ສຳນັກຂ່າວປະເທດຍີ່ປຸ່ນລາຍງານວ່າ ເມື່ອບໍ່ດົນມານນີ້ ທີ່ຕະຫຼາດປາແຫ່ງໜຶ່ງໃນນະຄອນຫຼວງໂຕກຽວ ປະເທດຍີ່ປຸ່ນ ໄດ້ມີງານປະມູນປາປະຈໍາປີ 2026 ທີ່ຈັດຂຶ້ນຄັ້ງທຳອິດຂອງປີ, ແຕ່ກໍມີພໍ່ຄ້າຊາຍຄົນໜຶ່ງ ໄດ້ປະມູນປາທູນາ ນໍ້າໜັກກວ່າ 243 ກິໂລກຣາມ, ໃນລາຄາ 510 ລ້ານເຢນ ຫຼື ປະມານ 70 ຕື້ກີບ. ໂຕເລກດັ່ງກ່າວຖືເປັນລາຄາທີ່ສູງທີ່ສຸດນັບຕັ້ງແຕ່ການເກັບສະຖິຕິໂລກໃນປີ 1999. ເຊິ່ງຕອນນັ້ນລາຄາສູງສຸດຢູ່ທີ່ 333 ລ້ານເຢນ ຫຼື ປະມານ 45 ຕື້ກີບ.
ພາຍຫຼັງທີ່ພໍ່ຄ້າຄົນດັ່ງກ່າວໄດ້ປະມູນ ປາໂຕນີ້ຈະຖືກແບ່ງ ແລະ ກະຈາຍໄປຍັງຮ້ານຊູຊິຂອງຕົນ ໂດຍຈະຂາຍໃນລາຄາປົກກະຕິ ຈາກການປະມູນທີ່ຜ່ານມາ, ໃນຕອນທຳອິດເຈົ້າຂອງຮ້ານຄິດວ່າຈະຊື້ປາໃນລາຄາຖືກກວ່ານີ້ ແຕ່ລາຄາກໍສູງຂຶ້ນຢ່າງວ່ອງໄວ ເຊິ່ງຕົນເອງກໍຕົກໃຈກັບລາຄາທີ່ໄດ້ມາ ແຕ່ກໍບໍ່ໄດ້ສົນໃຈ ແລະ ຍັງບອກຕື່ມອີກວ່າ ຫວັງວ່າລູກຄ້າທີ່ໄດ້ກິນປາໂຕນີ້ ຈະຊ່ວຍໃຫ້ພວກເຂົາມີພະລັງໃນການໃຊ້ຊີວິດ.
ການປະມູນທີ່ເກີດຂຶ້ນໃນຄັ້ງນີ້ ສະທ້ອນເຖິງປະຊາກອນຂອງປາທູນາທີ່ກຳລັງຟື້ນຕົວ ຫຼັງຈາກທີ່ເຄີຍຕົກຢູ່ໃນສະພາວະໃກ້ສູນພັນ ເພາະມີການລ່າເກີນຂະໜາດ ແລະ ການສ້າງສະຖິຕິໃໝ່ນີ້ ຖືເປັນສັນຍານການກັບມາຢ່າງງຍິ່ງໃຫ່ຍຂອງອຸດສາຫະກຳຊູຊິ ແລະ ຕະຫຼາດທະເລຂອງຢີ່ປຸ່ນ.
ແຫຼ່ງຂໍ້ມຸນ: Thairath