ທ່ານ ພັທ ສັງຄົມ ພົມມະລາດ ຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນ ໄດ້ໃຫ້ພາດຕໍ່ລາຍການຂັບຂີ່ປອດໄພ ທາງວິທະຍຸກະຈາຍສຽງແຫ່ງຊາດລາວວ່າ: ໃນໄລຍະສົ່ງທ້າຍປີເກົ່າ 2025 ຕ້ອນຮັບປີໃໝ່ 2026 ຢູ່ນະຄອນຫຼວງວຽງຈັນ ມີອຸບັດເຫດເກີດຂຶ້ນທັງໝົດ 28 ກໍລະນີ, ລົດເປ່ເພເລັກນ້ອຍ 12 ຄັນ, ເປ່ເພສົມຄວນ 41 ຄັນ ແລະ ເປເພໜັກ 1 ຄັນ.
ມີຄົນໄດ້ຮັບບາດເຈັກເລັກນ້ອຍ 7 ຄົນ, ບາດເຈັບໜັກ 3 ຄົນ ແລະ ເສຍຊີວິດ 7 ຄົນ ຄື:
– ວັນທີ 29 ທັນວາ 2025 ເສຍຊີວິດ 3 ຄົນ: ເວລາ 16:50 ໂມງ ຢູ່ເສັ້ນທາງນາຄວາຍໃຕ້ ມີຄົນຂີ່ລົດຈັກຊ້ອນສາມກັນມາ ແລ້ວໄປຕຳເອົາທ້າຍລົດບັນທຸກທີ່ຈອດຢູ່ແຄມທາງ ເຮັດໃຫ້ທັງສາມຄົນເສຍຊີວິດຄາທີ່.
– ວັນທີ 30 ທັນວາ 2025 ເສຍຊີວິດ 2 ຄົນ: ຢູ່ເສັ້ນທາງບ້ານຊຽງຄວນ ເມືອງຫາດຊາຍຟອງ ໄດ້ມີຄົນສອງຄົນຂີ່ລົດຈັກໄຟຟ້ານ້ອຍຊ້ອນທ້າຍກັນມາ ແລ້ວມີລົດຕູ້ມາຕຳເອົາທ້າຍລົດຈັກຄັນດັ່ງກ່າວນັ້ນ ຈຶ່ງເຮັດໃຫ້ທັງສອງຄົນເສຍຊີວິດຄາທີ່.
– ວັນທີ 1 ມັງກອນ 2026: ມີຄົນເສຍຊີວິດ 2 ຄົນ: 1, ຢູ່ເສັ້ນທາງບ້ານໂພນຄຳ ມີຄົນຂັບຂີ່ລົດຈັກໄປຕຳເອົາງົວ ເຮັດໃຫ້ເສຍຊີວິດຄາທີ່ ສ່ວນງົວກໍ່ບາດເຈັບໜັກ ແລະ 2, ຢູ່ເສັ້ນທາງບ້ານດອນກອຍ ມີຄົນຂັບຂີ່ລົດຈັກໄປຕຳເອົາເສົາໄຟຟ້າ ສົ່ງຜົນໃຫ້ເສຍຊີວິດຄາທີ່.
ຖ້າທຽບໃສ່ປີກາຍນີ້ ໃນໄລຍະດຽວກັນ ມີອຸບັດເຫດເກີດຂຶ້ນພຽງແຕ່ 13 ກໍລະນີ, ເສຍຊີວິດ 1 ຄົນ.
ສ່ວນສາເຫດຂອງອຸບັດຕິເຫດ ກໍ່ຍັງແມ່ນບັນຫາເກົ່າ ຄື: ດື່ມສິ່ງມຶນເມົາແລ້ວຂັບຂີ່ລົດ.
ພາບຈາກ: ກູ້ໄພ 1624