ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ ມະເຮັງຕັບ.
ນະວັດຕະກຳນີ້ຖືເປັນຄວາມກ້າວໜ້າ ແລະ ໜ້າຕື່ນເຕັ້ນຫຼາຍໃນວົງການແພດ ເພາະນາໂນບອດ ມີຈຸດເດັ່ນຫຼາຍປະການຄື:
- ໂຄງສ້າງດີເອັນເອທີ່ີເປັນຫຸ່ນຍົນ ສາມາດອອກຄໍາສັ່ງໂປຼແກຼມ ໃຫ້ເຮັດວຽກສະເພາະເຈາະຈົງ ມີຄວາມເຂົ້າກັນໄດ້ກັບຮ່າງກາຍສູງ ແລະ ມີປະສິດຖິພາບສູງ.
- ການສົ່ງຢາແບບສະເພາະຈຸດ ແທນທີ່ຈະປ່ອຍຢາເຄມີບຳບັດໄປທົ່ວຮ່າງກາຍ ນາໂນບອດສາມາດນຳສົ່ງຢາໄປຍັງຈຸດທີ່ຕ້ອງການຮັກສາ ຊ່ວຍຫຼຸດຜົນຂ້າງຄຽງຈາກການປິ່ນປົວ ແລະ ປະລິມານຢາທີ່ຕ້ອງໃຊ້.
ປັດຈຸບັນ, ງານວິໄຈນີ້ແມ່ນຍັງຢູ່ໃນຂັ້ນທົດລອງກັບສັດ ແລະ ຄາດວ່າຈະໄດ້ທົດລອງກັບຄົນໃນອີກປະມານ 5-10 ປີຕໍ່ໜ້າ (2030-2035) ເຊິ່ງນັ້ນກໍເປັນເວລາທີ່ສົມເຫດສົມຜົນ ເພາະຕ້ອງຜ່ານຫຼາຍຂັ້ນຕອນຂອງການທົດລອງ ເພື່ອຄວາມປອດໄພ ແລະ ປະສິດທິພາບຕາມມາດຕະຖານສາກົນ.
ນະວັດຕະກຳນີ້ອາດເປັນທາງເລືອກໃໝ່ຂອງການປິ່ນປົວມະເຮັງທີ່ມີປະສິດທິພາບສູງຂຶ້ນ ມີຜົນຂ້າງຄຽງໜ້ອຍລົງ ແລະ ຊ່ວຍຊີວິດຜູ້ທີ່ເປັນມະເຮັງໄດ້ຫຼາຍຂຶ້ນ.
ແຫຼ່ງຂໍ້ມູນ: TNN