ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ.
ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ.
ຕາມການລາຍງານລະບຸວ່າ: ເຮືອບິນຂົກສົ່ງສິນຄ້າໂບອິ້ງ 747 ຂອງສາຍການບິນ ເອມິເຣດ ຫຼຸດອອກນອກລັນເວ ຫຼັງຈາກເດີນທາງມາແຕ່ນະຄອນດູໄບ ແລະ ມາຮອດຮົງກົງ ເມື່ອເວລາປະມານ 4:00 ໂມງເຊົ້າຂອງວັນທີ 20 ຕຸລາ 2025 ຕາມເວລາທ້ອງຖິ່ນເຮັດໃຫ້ມີເຈົ້າໜ້າທີ່ເສຍຊີວິດສອງຄົນ ເຊິ່ງທັງສອງຄົນເປັນເຈົ້າໜ້າທີ່ຂັບລົດເຕີມນ້ຳມັນ ພາຍຫຼັງເກີດອຸບັດຕິເຫດຕຳກັບເຮືອບິນແລ້ວຕົກລົງທະເລ ກ່ອນຈະມີລາຍງານວ່າທັງສອງເສຍຊີວິດໃນເວລາຕໍ່ມາ.
ທາງດ້ານສະໜາມບິນຮົງກົງລະບຸວ່າ: ຫຼັງເກີດເຫດເຈົ້າໜ້າທີ່ໜ່ວຍກູ້ໄພໄດ້ເລັ່ງເຂົ້າຊ່ວຍເຫຼືອ ແລະ ໄດ້ມີການເປີດໃຊ້ງານສູນສຸກເສີນທາງອາກາດ ຂະນະທີ່ລັນເວຂອງສະໜາມບິນຖືກປິດຊົ່ວຄາວ.
ແຫຼ່ງຂ່າວ: ໄທລັດ