ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024 ໂດຍມີອັດຕາການຂະຫຍາຍຕົວຢູ່ທີ່ 25.29% ເມື່ອທຽບກັບປີ 2023.
ການຈັດອັນດັບດັ່ງກ່າວ, ສະແດງໃຫ້ເຫັນເຖິງຂີດຄວາມສາມາດ ໃນການຟື້ນຟູອຸດສາຫະກຳການທ່ອງທ່ຽວໃນລາວພາຍຫຼັງທີ່ໄດ້ຮັບຜົນກະທົບ ຈາກການແຜ່ລະບາດຂອງພະຍາດໂຄດວິດ 19 ເຊິ່ງລາວສາມາດແຊງໜ້າຫຼາຍໆປະເທດ ທີ່ຢູ່ໃນພາກພື້ນດຽວກັນ ແລະ ຢູ່ໃນລຳດັບທີ່ໃກ້ຄຽງກັບປະເທດໄທ ໂດຍຢູ່ອັນດັບທີ 12.
ລາວເຮົາ ມີເອກະລັກອັນສະເພາະ ດ້ານວັດທະນະທຳ, ທຳມະຊາດ ແລະ ວິຖີຊີວິດທ້ອງຖິ່ນ ທີ່ສາມາດດຶງດູດຄວາມສົນໃຈຈາກນັກທ່ອງທ່ຽວຕ່າງປະເທດໄດ້ເປັນຢ່າງດີ.
ແຫຼ່ງຂໍ້ມູນ: Vnexpress, Lao Youth Radio