ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ.
ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ 1,411 ຄົນ ແລະ ຜູ້ບາດເຈັບອີກ 3,124 ຄົນ ແລະ ສ້າງຄວາມເສຍຫາຍໃຫ້ບ້ານເຮືອນຫຼາຍກວ່າ 5,400 ຫຼັງຄາເຮືອນ, ຂະນະທີ່ເຈົ້າໜ້າທີ່ຍັງເລັ່ງໃຫ້ການຊ່ວຍເຫຼືອຜູ້ປະສົບໄພທ່າມກາງພູມສັນຖານຂອງປະເທດທີ່ເປັນອຸປະສັກໃນເຂດໝູ່ບ້ານຮ່າງໄກ.
ສຳລັບເຫດແຜ່ນດິນໄຫວຄວາມຮຸນແຮງລະດັບ 6.0 ຣິກເຕີ ໃນອັບການິສຖານຖານ ເກີດຂຶ້ນເມື່ອວັນທີ 1 ກັນຍາ 2025 ເຊິ່ງມີຄວາມເລິກ 10 ກິໂລແມັດ ໂດຍມີແຂວງຄຸນານ ແລະ ແຂວງ ນັນກາຮາ ໄດ້ຮັບຜົນກະທົບຫຼາຍທີ່ສຸດ.
ທາງດ້ານໂຂສົກຝ່າຍບໍລິຫານຕາລີບັນ ໄດ້ລາຍງານວ່າ: ສະມາຄົມກາຊາດ ເຊິ່ງເປັນອົງກອນມະນຸດສະທຳ ລົງພຶ້ນທີ່ທີ່ໄດ້ຮັບຜົນກະທົບ ແລະ ເປີດເຜີຍວ່າ: ຍັງມີຜູ້ຄົນອີກຈຳນວນຫຼາຍຍັງຕິດຢູ່ໃຕ້ຊາກອາຄານ ຂະນະທີ່ຜູ້ປະສານງານສະຫະປະຊາຊາດປະຈຳອັບການິສຖານເຕືອນວ່າ: ຍອດຜູ້ເສຍຊີວິດຈາກເຫດແຜ່ນດິນໄຫວອາດມີແນວໂນ້ມເພີ່ມຂຶ້ນ.
ແຫຼ່ງຂ່າວ: ຖານເສດຖະກິດ