ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້
ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ.
ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ ໂດຍແຕ່ລະປະເທດຈະສາມາດນຳສະເໜີຊື່ປະມານ ຈຳນວນ 10 ຊື່ ພ້ອມໃຊ້ພາສາທ້ອງຖິ່ນຂອງປະເທດຕົນເຂົ້າໃນການຕັ້ງຊື່ໄດ້ ໂດຍຈະໄດ້ແບ່ງເປັນ 5 ກຸ່ມ, ໃນ 1 ກຸ່ມຈະມີ 28 ລາຍຊື່. ສຳລັບການນຳໃຊ້ແມ່ນຈະໄດ້ໝູນວຽນໃຊ້ຕາມແຕ່ລະກຸ່ມຈົບຄົບ ແລະ ນໍາແຕ່ລະຊື່ກັບມານໍາໃຊ້ຄືນອີກຄັ້ງ.
ນີ້ກໍເປັນຫຼັກການຕັ້ງຊື່ໃນແບບສາກົນ ແຕ່ຖ້າວ່າພາຍຸລູກໃດຫາກສ້າງຄວາມເສຍຫາຍໜັກ ກໍຈະຖືກຖອນຊື່ອອກ ໂດຍຄະນະກຳມະການຂອງກົມອຸຕຸນິຍົມວິທະຍາໂລກ.
ສຳລັບຊື່ພາຍຸຂອງລາວທີ່ສົ່ງລາຍຊື່ໄປມີຄື: ພາຍຸປາຂ່າ, ພາຍຸບໍລິເວນ, ພາຍຸຫຼີ່ຜີ ແລະ ພາຍຸຟ້າໃສທີ່ຄາດວ່າຈະຕັ້ງເປັນຊື່ພາຍຸໃນລູກຕໍ່ໄປ
ແຫຼ່ງຂໍ້ມູນ: TNN Earth