ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40%
ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ: ທ່ານ ໂດນັລ ທຣຳ ປະທານາທິບໍດີສະຫະລັດ ໄດ້ກ່າວເມື່ອວັນພຸດ ທີ 2 ກໍລະກົດ 2025 ຜ່ານມາວ່າ ສະຫະລັດຈະເກັບພາສີສິນຄ້ານຳເຂົ້າ ຫລຸດລົງຈາກ 46% ເຫລືອ 20% ແຕ່ສິນຄ້າຈາກສະຫະລັດສົ່ງໄປ 0%.
ພາຍຫຼັງສະຫະລັດປະກາດເມື່ອເດືອນ ເມສາ 2025 ຜ່ານມາວ່າ: ຈະຂຶ້ນພາສີສິນຄ້ານຳເຂົ້າຂອງຫວຽດນາມສູງເຖິງ 46% ເຊິ່ງກຳນົດເກົ່າຈະມີຜົນບັງຄັບໃຊ້ໃນອາທິດໜ້າ ທ່ານ ໂດນັລ ທຣຳ ປະທານາທິບໍດີສະຫະລັດ ໄດ້ກ່າວຜ່ານສື່ສັງຄົມອອນລາຍ ວ່າ: ເປັນກຽດຢ່າງຍິ່ງທີ່ໄດ້ເຮັດຂໍ້ຕົກລົງກັບ ສາທາລະນະລັດ ສັງຄົມນິຍົມຫວຽດນາມ ຫຼັງໄດ້ເຈລະເຈກັບ ທ່ານ ໂຕ ເລິມ ເລຂາທິການໃຫຍ່ພັກຄອມມູນນິດແຫ່ງຫວຽດນາມ.
ຕາມຂໍ້ຕົກລົງດັ່ງກ່າວສິນຄ້າທີ່ນຳເຂົ້າຈາກຫວຽດນາມຈະຕ້ອງປະເຊິນກຳແພງພາສີ 20% ສ່ວນສິນຄ້າຈາກປະເທດທີ 3 ທີ່ສົ່ງຜ່ານຫວຽດນາມເຂົ້າສູ່ສະຫະລັດ ຈະຕ້ອງປະເຊີນກຳແພງພາສີສິນຄ້ານຳເຂົ້າ 40% ນອກຈາກນັ້ນຫວຽດນາມຍັງໃຫ້ສະຫະລັດເຂົ້າເຖິງຕະຫຼາດຫຼາຍຂຶ້ນ ໂດຍສະຫະລັດຈະສົ່ງອອກສິນຄ້າເຂົ້າສູ່ຫວຽດນາມໂດຍບໍ່ຕ້ອງປະເຊີນກັບພາສີນຳເຂົ້າສິນຄ້າ.
ແຫຼ່ງຂ່າວ: BBC