Homeຂ່າວຕ່າງປະເທດສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

Published on

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ.

ອີງຕາມເວັບໄຊ້ຂ່າວ Channel News Asia ລາຍງານໃນວັນທີ 1 ກໍລະກົດ 2025 ວ່າ: ປະເທດໄທກຳລັງປະເຊີນພາວະຄວາມບໍ່ແນ່ນອນທາງການເມືອງຄັ້ງໃໝ່ ເມື່ອ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງປະເທດໄທ ຕ້ອງປະເຊີນຄະດີວ່າດ້ວຍຈະລິຍະທຳຮ້າຍແຮງຕໍ່ໜ້າສານລັດຖະທຳມະນູນ ໃນວັນທີ 1 ກໍລະກົດ

ກໍລະນີຂອງນາຍົກ ແພທອງທານ ສືບເນື່ອງມາຈາກຄວາມຂັດແຍ່ງທາງການທູດລະຫວ່າງໄທ-ກຳປູເຈຍ ເມື່ອເດືອນພຶດສະພາທີ່ຜ່ານມາ, ເຊິ່ງເກີດການປະທະບໍລິເວນຊາຍແດນຈົນເຮັດໃຫ້ທະຫານກຳປູເຈຍ ເສຍຊີວິດ 1 ຄົນ ແລະ ໃນຊ່ວງດຽວກັນກໍໄດ້ມີຄລິບສຽງຖືກເຜີຍແຜ່ອອກມາກ່ຽວກັບການທີ່ ນາຍົກແພທອງທານ ໂທຫາ ທ່ານ ສົມເດັດ ຮຸນເຊັນ ອະດີດຜູ້ນຳກຳປູເຈຍ ຈຶ່ງເປັນເຫດສ້າງຄວາມບໍພໍໃຈໃຫ້ປະຊາຊົນຄົນໄທ ແລະ ນຳໄປສູ່ຄຳຮ້ອງຕໍ່ສານລັດຖະທຳມະນູນໃນຂໍ້ຫາວ່າ: ຜິດຈະລິຍະທຳຢ່າງຮ້າຍແຮງ ບໍໍ່ຍຶດໝັ້ນໃນຈະລິຍະທຳ ແລະ ຄວາມສຸຈະລິດໃຈຕາມບົດບັນຍັດລັດຖະທຳມະນູນ ຫາກສານລັດຖະທຳມະນູມີມະຕິຮັບຄຳຮ້ອງ ທ່ານ ນາງ ແພທອງທານ ຊິນນະວັດ ຈະຖືກສັ່ງພັກການປະຕິບັດໜ້າທີ່ການເປັນນາຍົກລັດຖະມົນຕີ ແຫ່ງປະເທດໄທ.

ຫຼ້າສຸດໃນວັນທີ 1 ກໍລະກົດ 2025 ເວລາປະມານ 13:00 ໂມງ ສານລັດຖະທຳມະນູແຫ່ງປະເທດໄທ ປະເມີນຕາມລັດຖະທຳມະນູນມາດຕາ 170 ວັກສາມ ປະກອບມາດຕາ 82 ວ່າ: ຄວາມເປັນລັດຖະມົນຕີຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງປະເທດໄທ ສືບເນື່ອງມາຈາກກໍລະນີຄລິບສຽງສົນທະນາ ກັບ ທ່ານ ສົມເດັດ ຮຸນເຊັນ ປະທານວຸດທິສະພາກຳປູເຈຍ.

ສານລັດຖະທຳມະນູນມີມະຕິໂດຍສຽງສ່ວນຫຼາຍ 7-2 ເຫັນວ່າ: ຜູ້ຖືກຮ້ອງມີກໍລະນີຕາມທີ່ຖືກຮ້ອງ ຕາມລັດຖະທຳມະນູນມາດຕາ 170 ວັກສາມ ປະກອບມາດຕາ 82 ວັກສອງ ມີຄຳສັ່ງໃຫ້ຜູ້ຖືກຮ້ອງຢຸດປະຕິບັດໜ້າທີ່ນາຍົກລັດຖະມົນຕີນັບແຕ່ວັນທີ 1 ກໍລະກົດ 2025 ເປັນຕົ້ນໄປ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...