Homeຂ່າວຕ່າງປະເທດສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

Published on

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ.

ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025, ສານຫວຽດນາມໄດ້ເປີດການພິຈາລະນາຄະດີການສໍ້ລາດບັງຫຼວງ ແລະ ຮັບສິນບົນ ມູນຄ່າ 1.16 ລ້ານໆດົງ ຫຼື ປະມານ 45 ລ້ານໂດລາ ເຊິ່ງຜູ້ຕ້ອງຫາມີທັງໝົດ 41 ຄົນ ລວມເຖິງເຈົ້າໜ້າທີ່ລັດ ເຊິ່ງເປັນສ່ວນໜຶ່ງໃນການພະຍາຍາມປາບປາມການທຸຈະລິດຂອງລັດທະບານ.

ການປຸກລະດົມນີ້ມີຊື່ວ່າ: ເຕົາເຜົາ ເພື່ອເປັນການຕໍ່ຕ້ານການສຸຈະລິດ ເຊິ່ງເຄີຍກວດລ້າງບຸກຄົນລະດັບສູງຂອງລັດຖະບານຂອງຫວຽດນາມຫຼາຍສິບຄົນ ລວມເຖິງເຈົ້າໜ້າທີ່ລັດຖະບານລະດັບສູງ 2 ຄົນ ແລະ ຜູ້ນຳທຸລະກິດຫຼາຍຄົນ ໂດຍໃນຄະດີຫຼ້າສຸດ ສານໃນນະຄອນຮ່າໂນຍໄດ້ເລີ່ມດຳເນີນຄະດີກັບອະດີດເຈົ້າໜ້າທີ່ 30 ຄົນ ຈາກແຂວງ ຫວິນຟຸກ, ຟູ້ເທາະ ແລະ ກວ໋າງຫງາຍ.

ໂດຍນັກທຸລະກິດ ແລະ ພະນັກງານບໍລິສັດອີກ 11 ຄົນ ຍັງຖືກກ່າວຫາວ່າມີສ່ວນກ່ຽວຂ້ອງກັບການທຸຈະລິດ ທີ່ສ້າງຄວາມເສຍຫາຍໃຫ້ກັບລັດເປັນມູນຄ່າ 1.16 ລ້ານໆດົງ ໂດຍໄດ້ຖືກກ່າວຫາວ່າມີການສໍ້ລາດບັງຫຼວງ ໃຊ້ອຳນາດໃນທາາງທີ່ຜິດ ແລະ ລະເມີດກົດໝາຍການປະມູນ ແລະ ການບັນຊີ.

ຕາມການລາຍງານໄອຍະການກ່າວວ່າ: ລະຫວ່າງປີ 2010-2024, ທ້າວ ຫງຽນ ວັນເຮົາ ປະທານກຸ່ມ​ Phuc Son ໄດ້ໃຊ້ເງິນຫຼາຍກວ່າ 163 ລ້ານບາດ ເພື່ອຕິດສິນບົນເຈົ້າໜ້າທີ່ເພື່ອໃຫ້ໄດ້ໂຄງການກໍ່ສ້າງພຶ້ນຖານມູນຄ່າຫຼາຍໝື່ນລ້ານບາດຈຳນວນ 14 ໂຄງການໃນ 3 ແຂວງ ຂອງຫວຽດນາມ.

ຢ່າງໃດກໍຕາມໃນເດືອນເມສາ 2025 ຜ່ານມາ, ຫວຽດນາມກໍໄດ້ຈຳຄຸກ ອະດີດວ່າການລັດຖະມົນຕີ ກະຊວງອຸດສາຫະກຳ ແລະ ການຄ້າ ເປັນເວລາ 6 ປີ ຫຼັງພົບວ່າເຂົາມີຄວາມຜິດໃນຂໍ້ຫາ ໃຊ້ອຳນາດໃນທາງທີ່ຜິດ ໃນແຜນພັດທະນາພະລັງງານແສງອາທິດ.

ແຫຼ່ງຂ່າວ: ໄທລັດ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...