ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ.
ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ ຍຸນຊ໋ອກຍອນ ເຊິ່ງຖືກຖອດອອກຈາກຕຳແໜ່ງຫຼັງປະກາດກົດໄອຍະການສຶກເມື່ອທ້າຍປີ 2024.
ຄະນະກຳມະການການເລືອກຕັ້ງຂອງ ສ.ເກົາຫຼີ ປະກາດຜົນຄະແນນຢ່າງເປັນທາງການວ່າ: ທ່ານ ອີ ແຈມະຢອງ ຜູ້ນຳພັກຝ່າຍຄ້ານ ຈາກພັກປະຊາທິປະໄຕ (Democratic Party: DP) ໄດ້ຮັບຄະແນນສຽງ 49.42% ສາມາດເອົາຊະນະ ທ່ານ ຄິມມຸຊູ ຜູ້ສະມັກຈາກພັກພະລັງປະຊາຊົນ (People Power Party: PPP) ເຊິ່ງໄດ້ຄະແນນສຽງ 41.15% ໂດຍມີປະຊາຊົນເກືອບ 35 ລ້ານຄົນອອກມາໃຊ້ສິດ ຖືເປັນອັດຕາສູງນັບຕັ້ງແຕ່ປີ 1977.
ສຳລັບທ່ານອີແຈມະຢອງ ເຄີຍເປັນທະນາຍຄວາມດ້ານສິດທິມະນຸດ, ເຄີຍລົງສະມັກຊິງຕຳແໜ່ງປະທານາທິບໍດີມາແລ້ວສອງຄັ້ງ ແຕ່ບໍ່ສຳເລັດ, ຈົນມາຮອດຄັ້ງຫຼ້າສຸດໂດຍໄດ້ຮັບການສະໜັບສະໜູນຈາກກະແສຄວາມບໍ່ພຶງພໍໃຈຕໍ່ລັດທະບານ ຍຸນຊ໋ອກຍອນ ໂດຍສະເພາະກໍລະນີການປະກາດກົດໄອຍະການສຶກທີ່ເປັນສະນວນກໍ່ໃຫ້ເກີດວິກິດທາງການເມືອງຮຸນແຮງທີ່ສຸດໃນຮອບຫຼາຍສິບປີຂອງ ສ.ເກົາຫຼີ.
ຢ່າງໃດກໍຕາມ ບາດແຜທາງການເມືອງທີ່ທ່ານ ຍຸນຊ໋ອກຍອນ ຖິ້ມໄວ້ຍັງຄົງສົ່ງຜົນຕໍ່ບັນຍາກາດພາຍໃນປະເທດ ເຊິ່ງ ທ່ານ ອີແຈມະຢອງ ຈະຕ້ອງເລີ່ມປະຕິບັດໜ້າທີ່ທັນທີຫຼັງຈາກໄດ້ຮັບຕຳແໜ່ງປະທານາທິບໍດີ ໂດຍບໍມີເວລາຊ່ວງປ່ຽນຜ່ານ 2 ເດືອນຕາມທຳນຽມ.