spot_img
Homeຄລິບ-ວິດີໂອໂລກອະນາຄົດເກີດແລ້ວ ເມື່ອສາມາດປ່ຽນແຂນໃຫ້ເປັນສະມາດໂຟນ

ໂລກອະນາຄົດເກີດແລ້ວ ເມື່ອສາມາດປ່ຽນແຂນໃຫ້ເປັນສະມາດໂຟນ

Published on

ເບິ່ງ​ຄື​ວ່າ​ອຸປະກອນ ປະ​ເພດ​ສາຍ​ແຂນ​ຈະ​ເລີ່​ມ​ແປກ​ຂຶ້ນ​ໄປ​ອີກໜ້ອຍໜຶ່ງ​ແລ້ວ ບໍລິສັດ​ເຕັກ​ໂນ​ໂລ​ຊີ​ຂະໜາດນ້ອຍ​ແຫ່ງໜຶ່ງທີ່​ປະ​ເທດ​ຝຣັ່ງຫາ​ກໍ່​ເປີດ​ຕົວ Cicret Bracelet ​ໄປ​ບໍ່ດົນ​ພໍເທົ່າ​ໃດນີ້ ​ເຊິ່ງ​ເປັນ​ສາຍ​ແຂນ​ອັດ​ສະ​ລິ​ຍະ​ທີ່​ສາມາດ​ສາຍໜ້າຈໍ​ສຳ​ພັດ​ໄປ​ທີ່​ແຂນ​ຂອງ​ທ່ານ. ວີ​ດີ​ໂອ​ຂອງ​ຕົວ​ອຸປະກອນ​ດັ່ງກ່າວ​ໄດ້​ກາຍ​ເປັນ Viral ​ແລະ ​ເຜີຍ​ແຜ່​ສູ່​ອິນ​ເຕີ​ເນັດ ​ເມື່ອ​ບໍ່ພໍ​ເທົ່າ​ໃດ​ມື້ມານີ້ ​ໃນ​ລະຫວ່າງ​ຜູ້​ທີ່​ຕ້ອງການ​ໃນ​ເຕັກ​ໂນ​ໂລ​ຊີ​ທັງຫຼາຍຕ່າງ​ຕ້ອງ​ການກ່ຽວກັບ​ແນວ​ຄວາມຄິດ​ໃໝ່ຂອງ​ສະມາດ​ໂຟນ ທີ່​ປາສະຈາກ​ໂທສະລະ​ສັບ​ມື​ຖື.

bracelet01

ອຸປະກອນ​ດັ່ງກ່າວ​ນັ້ນ ​ເຮັດ​ວຽກດ້ວຍ​ເຄື່ອງ​ໂປ​ເຈັກ​ເຕີ​ຂະໜາດນ້ອຍ ​ເຊິ່ງຕິດຕັ້ງຢູ່​ພາຍ​ໃນ ລວມ​ເຖິງ​ເຊັນ​ເຊີກ​ວດຈັບຄວາມ​ເຄື່ອນ​ໄຫວ​ຕ່າງໆ ​ເຊິ່ງວ່າ​ລະບົບ​ຂອງ​ຕົວ​ເຄື່ອງ Cicret ນີ້ກວດ​ສອບ​ຕຳ​ແໜ່ງ ​ແລະ ຄວາມ​ເຄື່ອນ​ໄຫວ​ຂອງ​ນິ້ວມື ​ແລະ ປ່ຽນພື້ນຜິວ​ຂອງໜັງ​ໃຫ້​ກາຍ​ເປັນໜ້າຈໍ​ສຳ​ພັດ ຄ້າຍຄື​ກັບ​ເຕັກ​ໂນ​ໂລ​ຊີ​ທີ່​ເຮົາ​ເຄີຍ​ເຫັ​ນມາ​ແລ້ວ​ຂອງ​ຄີບ​ອດ​ໂປ​ເຈັກ​ເຕີ ​ເຊິ່ງ​ເຮົາ​ຈະ​ສາມາດ​ກົດ, ລາກ ຫຼື ຊູ​ມ​ເຂົ້າ-ອອກ​ຄື​ກັບ​ທີ່​ທ່ານ​ໃຊ້​ງານ​ໂທລະສັບ​ຕາມ​ປົກກະຕິ.

cicret-bracelet

ສາຍ​ແຂນ Cicret ນັ້ນ​ໄດ້​ຮັບ​ການ​ອອກ​ແບບ​ມາ​ໃຫ້​ໃຊ້​ລະບົບ​ປະ​ຕີ​ບັດ​ການ​ຂອງ ​ແອນ​ດອນ “Android” ຫຼືວ່າ​ຈະ​ເຊື່ອມ​ຕໍ່ອຸປະກອນ​ດັ່ງກ່າວ​ເຂົ້າກັບ​ສະມາດ​ໂຟນຜ່ານ Bluetooth ກໍ​ໄດ້ ​ເຊິ່ງຕົວ​ເຊື່ອມ​ຕໍ່ Wi-Fi ທີ່​ຖືກ​ຕິດຕັ້ງ​ໄວ້​ພາຍ​ໃນ​ນັ້ນຈະ​ມອບ​ການ​ເຊື່ອມ​ຕໍ່​ໃຫ້​ກັບ​ຕົວ​ເຄື່ອງ ​ແລະ ນອກ​ຈາກ​ນັ້ນຍັງ​ມີ​ຊ່ອງ Micro USB ​ໃຫ້​ໃຊ້​ອີກ​ດ້ວຍ. ທາງ​ບໍ​ລິ​ສັດ​ເອງ​ກໍຈະ​ອອກ Application   ອອກ​ມາ​ຕ່າງ​ຫາກ ​ເຊິ່ງ​ເປັນ​ໂປ​ແກຼມຄສາມ​ປອດ​ໄພ​ທີ່​ຈະ​ມອບ​ຕົວ​ເລືອກ​ໃນ​ການ​ເຂົ້າລະຫັດ​ຂໍ້​ມູນ ​ແລະ ການ​ປົກ​ປິດ​ຕົວ​ຕົນ​ໃຫ້​ກັບ​ຜູ້​ໃຊ້​ງານ.

cicret-smart-bracelet-620x401

​ເຖິງ​ຢ່າງ​ໃດ​ກໍ​ຕາມ ສາຍ​​ແຂນ Cicret ນີ້ຍັງ​ບໍ່ພ້ອມ​ສຳລັບ​ການ​ເປີດ​ຕົວ ​ເຊິ່ງ​ໃນ​ຕອນ​ນີ້ອຸປະກອນ​ດັ່ງກ່າວ​ຍັງ​ເປັນ​ຕົວ​ຕົນ​ແບບ​ຢູ່ ​ແລະ ທີ​ມງານທີ່​ອອກ​ແບບ​​ເອງ​ກໍ​ຍັງ​ພະຍາຍາມຊອກ​ທຶນ​ເພີ່ມ​ເຕີມ​ເພື່ອ​ທີ່​ຈະ​ມາ​ພັດທະນາ​ອຸປະກອນ​​​ເຄື່ອງນີ້ຕໍ່​ໄປ​ອີກ​ດ້ວຍ ​ແຕ່​ວີ​ດີ​ໂອ​ ​ແລະ ສື່​ຕ່າງໆຢູ່​ໃນ​ທາງ​ອິນ​ເຕີ​ເນັດ ກໍ​ໄດ້​ຊີ້​ໃຫ້​ເຫັນ​ວ່າ​ເຕັກ​ໂນ​ໂລ​ຊີ​ດັ່ງກ່າວ​ນັ້ນ ​​ແມ່ນ​ເຂົ້າທີ່​ເຂົ້າທາງ​ແລ້ວ ​ເຊິ່ງ Guillaume Pommier ຜູ້ກໍ່ຕັ້ງບໍລິສັດ Cicret Bracelet ​ໄດ້​ເວົ້າ​ວ່າ: ທາງ​ບໍລິສັດ​ຄາດ​ຫວັງ​ວ່າ​ຈະ​ປ່ອຍ​ສາຍ​ແຂນ Cicret ນີ້​ເຂົ້າສູ່​ຕະຫຼາດ​ໃນ​ເວລາໜຶ່ງປີ​ເຄິ່ງ ດ້ວຍ​ລາຄາ​ປະມານ 400 ຫຼຽນສະຫະລັດ.

The-Cicret-Bracelet

 

ຖ້າ​ຫາກ​ວ່າ​ເຕັກ​ໂນ​ໂລ​ຊີ​ນີ້​ສາມາດ​ພິສູດ​ໄດ້​ວ່າ ສາມາດ​ໃຊ້​ງານ​ໄດ້​ແທ້​ແລ້ວນັ້ນ. ຄວາມ​ຄິດ​ດັ່ງກ່າວກໍ​ນັບ​ເປັນໜຶ່ງ​ໃນ​ແນວ​ຄວາມ​ຄິດ​ທີ່ ບໍລິສັດ​ຕ່າງໆອີກຫຼາກຫຼາຍຈະ​ໃຫ້​ຄວາມ​ສົນ​ໃຈ​ດ້ວຍ​ເຊັ່ນ​ກັນ ​ເຊິ່ງກໍ​ຄົງ​ຈະ​ເປັນ​ການ​ແຂ່ງຂັນ​ການ​ໃຊ້​ພື້ນທີ່​ແຂນ​ທີ່​ພວກ​ເຮົາ​ຈະ​ຕ້ອງ​ຈັບ​ຕາ​ເບິ່ງ​ໄວ້​ໃຫ້​ດີ ​ເພາະ​ນີ້ຄື​ນະ​ວັດຕະ​ກຳ​ໃໝ່ທີ່​ເຮົາ​ຈະ​ຕ້ອງ​ໄດ້ນຳ​ໃຊ້​ມັນ.

cicret-smart-bracelet-2-620x348

 ກົດເບິ່ງວິດີໂອ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...