ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ.
ສຳນັກຂ່າວຕ່າງປະເທດລາຍງານເຫດລະທຶກຂວັນ! ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ ເມື່ອວັນພະຫັດ ທີ 17 ເມສາ 2025 ຜ່ານມາ, ເຮັດໃຫ້ມີຜູ້ບາດເຈັບ 3 ຄົນ ກ່ອນທີ່ຜູ້ກໍ່ເຫດຈະຖືກຍິງເສຍຊີວິດ.
ຜູ້ບັນຊາການຕຳຫຼວດເບລິສ ໄດ້ຖະແຫຼງຂ່າວເຖິງເຫດການດັ່ງກ່າວໂດຍລະບຸວ່າ: ຜູ້ກໍ່ເຫດຊື່ວ່າ ອາຄິເຍລາ ຊາວາ ເທເລີ ເຊິ່ງເປັນຊາວອາເມລິກາ ເຊິ່ງເຄີຍເປັນທະຫານຜ່ານເສິກມາກ່ອນ ໂດຍເຂົາໄດ້ໃຊ້ມີດຈີ້ນັກບິນ ໃນຂະນະທີ່ເຮືອບິນຢູ່ກາງອາກາດ ພ້ອມຂູ່ໃຫ້ນັກບິນປ່ຽນເສັ້ນທາງອອກນອກປະເທດ ສົ່ງຜົນໃຫ້ເຮືອບິນຕ້ອງບິນວົນຈົນນ້ຳມັນຈະໝົດ, ຫຼັງຈາກນັ້ນບໍ່ດົນ ເທເລີ ໄດ້ໃຊ້ມີດກໍ່ເຫດແທງຜູ້ໂດຍສານ 3 ຄົນ ລວມເຖິງນັກບິນ ເຮັດໃຫ້ໜຶ່ງໃນຜູ້ໂດຍສານທີ່ມີປືນຖືກກົດໝາຍໄດ້ຍິງໃສ່ ເທລີ ຂະນະເຮືອບິນກຳລັງລົງຈອດ ທີ່ນອກເມືອງເບລິສ ຕາມການລາຍງານລະບຸວ່າ: ຜູ້ໂດຍສານທີ່ຍິງໄດ້ຮັບບາດເຈັບ ຄືກັນກັບເທລີ ແຕ່ສຸດທ້າຍເທເລີກໍໄດ້ເສຍຊີວິດ.
ເຈົ້າໜ້າທີ່ເປັີດເຜີຍວ່າ: ຍັງບໍ່ມີລາຍງານທີ່ຊັດເຈນວ່າ ເທເລີ ສາມາດລັກລອບມີດຂຶ້ນໄປເທິງເຮືອບິນໄດ້ແນວໃດ? ເນື່ອງຈາກສະໜາມບິນນ້ອຍໃນເບລິສ ຫຼາຍແຫ່ງບໍ່ມີມາດຕະການຮັກສາຄວາມປອດໄພທີ່ພຽງພໍໃນການກວດຄົ້ນຜູ້ໂດຍສານ.
ຫຼ້າສຸດທາງການເບລິສ ໄດ້ປະສານໄປຫາສະຖານທູດສະຫະລັດ ເພື່ອຂໍຄວາມຊ່ວຍເຫຼືອໃນການກວດສອບເຫດການນີ້ແລ້ວ ແລະ ເຈົ້າໜ້າທີ່ກຳລັງເລັ່ງຄົ້ນຫາແຮງຈູງໃນໃນການກໍ່ເຫດຄັ້ງນີ້ຕໍ່ໄປ.