ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ
ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40 ໃນແມນຮັດຕັນ ນະຄອນນິວຢອກ ສະຫະລັດອາເມລິກາ, ໂດຍມີຜູ້ໂດຍສານ 6 ຄົນ ແລະ ເສຍຊີວິດທັງໝົດ.
ຕາມການລາຍງານເຈົ້າໜ້າທີ່ໄດ້ໃຫ້ຮູ້ວ່າ: ຜູ້ເສຍຊີວິດມີນັກບິນ 1 ຄົນ, ຜູ້ໂດຍສານເປັນຜູ້ໃຫຍ່ 2 ຄົນ ແລະ ເດັກນ້ອຍ 3 ຄົນ, ໂດຍພົບຜູ້ເສຍຊີວິດ 4 ຄົນໃນຈຸດເກີດເຫດ ແລະ ອີກ 2 ຄົນເສຍຊີວິດຢູ່ໂຮງໝໍ, ຂໍ້ມູນເພິ່ມເຕີມແມ່ນຜູ້ໂດຍສານທັງໝົດແມ່ນເປັນນັກທ່ອງທ່ຽວຄົນສະເປນ.
ນອກນີ້, ເຈົ້າໜ້າທີ່ຍັງໄດ້ກ່າວຕື່ມວ່າ: ເຮລິຄອບເຕີລຳດັ່ງກ່າວ ເສຍການຄວບຄຸມຫຼັງຈາກລ້ຽວຜ່ານສະພານຈອດວໍຊິງຕັນ ເພື່ອບິນລຽບຊາຍຝັ່ງນິວເຈີຊີ, ປັດຈຸບັນນີ້ ເຈົ້າໜ້າທີ່ກຳລັງສືບສວນຫາສາເຫດຂອງການເກີດອຸບັດເຫດໃນຄັ້ງນີ້.
ແຫຼ່ງຂ່າວ:CH7