ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025.
ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້, ເຈົ້າໜ້າທີ່ກູ້ໄພມຽນມາ ແລະ ນາໆຊາດ ຍັງຄົງເລັ່ງຄົ້ນຫາ ແລະ ຊ່ວຍເຫຼືອປະຊາຊົນ ທີ່ຕິດຢູ່ໃນຊາກອາຄານທົ່ວປະເທດຢ່າງຕໍ່ເນື່ອງ ທ່າມກາງສະພາບອາກາດຮ້ອນ ອຸນຫະພູມປະມານ 40 ອົງສາ.
ພາຍຫຼັງທີ່ເຈົ້າໜ້າທີ່ທຳການຄົ້ນຫາກ້່ວເຂົ້າມື້ທີ 4 ທ່າມກາງອາກາດຮ້ອນເຮັດໃຫ້ຮ່າງຜູ້ເສຍຊີວິດເນັ່າເປັື່ອຍໄວກວ່າປົກກະຕິ ແລະ ໄດ້ສົ່ງກິ່ນເໝັນໄປທົ່ວບໍລິເວນ, ຕາມການລາຍງານຂອງເຈົ້າໜ້າທີ່ກູ້ໄພ ລະບຸຕົວເລກທີ່ເສຍຊີວິດຈາກເຫດການແຜ່ນດິນໄຫວໃນຄັ້ງນີ້ເພີ່ມຂຶ້ນຢ່າງນ້ອຍ 2,056 ຄົນ, ບາດເຈັບອີກ 3,900 ຄົນ ແລະ ຜູ້ສູນຫາຍອີກ 270 ຄົນ. ເຊິ່ງຄາດວ່າຍອດຜູ້ເສຍຊີວິດໜ້າຈະເພີ່ມຂຶ້ນອີກ.
ແຫຼ່ງຂ່າວ: Thai PBS