ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ.
ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ, ເມື່ອວັນທີ 28 ມີນາ 2025 ຄວາມຮຸນແຮງຂອງແຜ່ນດິນໄຫວໄດ້ສົ່ງຜົນໃຫ້ບ້ານເມືອງໃນຫຼາຍພື້ນທີ່ຂອງມຽນມາໄດ້ຮັບຜົນກະທົບຢ່າງໜັກ ໂດຍສະເພາະນະຄອນຫຼວງເນປີດໍ, ເມືອງມັນທະເບ, ພູມິພາກຊະໄກ, ພະໂຄ, ມາເກວ ລວມເຖິງລັດສານ, ເຊິ່ງຖືວ່າເປັນພື້ນທີ່ທີ່ໄດ້ຮັບຜົນກະທົບໜັກສຸກຈາກໄພພິບັດຄັ້ງນີ້.
ປັດຈຸບັນ, ມີຍອດຜູ້ເສຍຊີວິດຈາກແຜ່ນດິນໄຫວຄັ້ງນີ້ເພິ່ມຂຶ້ນເປັນ 1,700 ຄົນ, ບາດເຈັບກວ່າ 3,400 ຄົນ ແລະ ຍັງມີຜູ້ສູນຫາຍອີກ 300 ຄົນ.
ຢ່າງໃດກໍຕາມ, ຫຼາຍປະເທດກໍໄດ້ເຂົ້າໃຫ້ການຊ່ວຍເຫຼືອໂດຍການສົ່ງ ນາຍທະຫານ, ທີມກູ້ໄພ, ທີມໝາກູ້ໄພ, ເຄື່ອງບັນເທົາທຸກ ພ້ອມທັງເງິນເພື່ອປະກອບສ່ວນຊ່ວຍເຫຼືອໄພພິບັດຄັ້ງນີ້, ເຊິ່ງມີທີມຊ່ວຍເຫຼືອຈາກຫຼາຍປະເທດຄື: ທະຫານມາເລເຊຍ 50 ຄົນ, ໄທ 55 ຄົນ, ຫວຽດນາມ 106 ຄົນ, ຣັດເຊຍ 120 ຄົນ , ສິງກະໂປ 80 ຄົນ, ຈີນ ແລະ ອິນເດຍ.
ແຫຼ່ງຂ່າວ: ໄທ ພີບີເອັສ