ລະທຶກ! ເຫດເຮືອບິນນ້ອຍ ຕົກຢູ່ເດີ່ນຈອດລົດໃຫ້ກັບບ້ານພັກຄົນສູງອາຍຸ ໃນສະຫະລັດ
ສຳນັກຂ່າວຕ່າງປະເດທລາຍງານໃນວັນທີ 10 ມີນາ 2025 ຜ່ານມາ, ເກີດເຫດເຮືອບິນນ້ອຍຕົກລົງ ຢູ່ບໍລິເວນເດີ່ນຈອດລົດໃກ້ບ້ານພັກຜູ້ສູງອາຍຸ ໃນລັດເພນຊິເວເນຍ ຂອງສະຫະລັດ.
ຕາມການລາຍງານລະບຸວ່າ: ເຫດເກີດເມື່ອວັນທີ 9 ມີນາ 2025 ເວລາປະມານ 15:00 ໂມງຕາມເວລາທ້ອງຖິ່ນ ເຊິ່ງມີຜູ້ໂດຍສານທັງໝົດ 5 ຄົນ ຂະນະທີ່ລົດໃຫຍ່ໄດ້ຮັບຄວາມເສຍຫາຍຫຼາຍສິບຄັນ.
ຫົວໜ້າໜ່ວຍດັບເພີງ ເປີດເຜີຍວ່າ: ເຮືອບິນນ້ອຍມີຜູ້ໂດຍສານທັງໝົດ 5 ຄົນ ແລະ ໄດ້ນຳສົ່ງໂຮງໝໍເປັນທີ່ຮຽບຮ້ອຍ ໂຊກດີບໍ່ມີລາຍງານການບາດເຈັບ ຫຼື ເສຍຊີວິດຂອງຄົນໃນພຶ້ນທີ່.
ຜູ້ເຫັນເຫດການເລົ່າວ່າ: ໄດ້ສັງເກດເຫັນເຮືອບິນລຳດັ່ງກ່າວບິນໄຕ່ລະດັບຂຶ້ນກ່ອນທີ່ຈະບ່ຽງໄປທາງຊ້າຍຢ່າງກະທັນຫັນ ແລະ ຕົກລົງມາ ຈາກນັ້ນຈຶ່ງເກີດໄຟລຸກ. ສຳລັບເຮືອບິນລຳນີ້ມີກຳນົດການອອກເດີນທາງ ຈາກສະໜາມບິນແລນຄາສເຕີ ເຊິ່ງຢູ່ທາງເໜືອຂອງຈຸດທີ່ເກີດເຫດ ກຳລັງມຸ່ງໜ້າໄປເມືອງສະປິງຟິວ ລັດໂອໄຮໂອ.
ແຫຼ່ງຂ່າວ: thai pbs