spot_img
Homeປະຊາສຳພັນໂຮງໝໍເດັກສະມິຕິເວດ ອິນເຕີເນຊັນແນວ ຂະຫຍາຍພື້ນທີ່ບໍລິການປິ່ນປົວສຸຂະພາບເດັກ ໃນພາກພື້ນອາຊີ-ປາຊີຟິກ

ໂຮງໝໍເດັກສະມິຕິເວດ ອິນເຕີເນຊັນແນວ ຂະຫຍາຍພື້ນທີ່ບໍລິການປິ່ນປົວສຸຂະພາບເດັກ ໃນພາກພື້ນອາຊີ-ປາຊີຟິກ

Published on

ໂຮງໝໍເດັກສະມິຕິເວດ ອິນເຕີເນຊັນແນວ ຂະຫຍາຍພື້ນທີ່ບໍລິການປິ່ນປົວສຸຂະພາບເດັກ ໃນພາກພື້ນອາຊີ-ປາຊີຟິກ
ດ້ວຍການລົງທຶນຈໍານວນ 2 ຕື້ບາດ ເພື່ອຍົກລະດັບຄວາມເປັນເລີດດ້ານກຸມມານເວດສາດ ໂດຍອອກແບບພາຍໃຕ້ແນວຄິດ Smart Hospital (ລະບົບໂຮງໝໍອັດສະລິຍະ) ທີ່ທັນສະໄໝ.

ບາງກອກ, ປະເທດໄທ (27 ກຸມພາ 2025) ໂຮງໝໍ ສະມິຕິເວດ, ຜູ້ນໍາດ້ານການປິ່ນປົວເດັກທີ່ມີຊື່ສຽງ ໄດ້ເປີດໂຕໂຮງໝໍເດັກສະມິຕິເວດ ອິນເຕີເນຊັນແນວ ແຫ່ງໃໝ່ທີ່ ໂຮງໝໍ ສະມິຕິເວດ ສຣີນຄຣິນ (Samitivej Srinakarin Hospital). ການຂະຫຍາຍພື້ນທີ່ປິ່ນປົວດ້ວຍມູນຄ່າລົງທຶນກວ່າ 2 ຕື້ບາດ ຈະຊ່ວຍເສີມຂະຫຍາຍຄວາມມຸ່ງໝັ້ນແກ່ໂຮງໝໍ ສະມິຕິເວດ ໃນການເປັນສູນກາງການປິ່ນປົວສຸຂະພາບເດັກລະດັບແຖວໜ້າຂອງອາຊີ-ປາຊີຟິກ, ໂດຍສະໜອງການດູແລສຸຂະພາບສະເພາະ, ການປິ່ນປົວດ້ວຍນະວັດຕະກໍາ ແລະ ການປະສານງານທາງການແພດທີ່ສະດວກສະບາຍ.

ໂຮງໝໍທີ່ໄດ້ຮັບການປັບປຸງແຫ່ງໃໝ່ນີ້ ໃຫ້ບໍລິການຄົນເຈັບ ຈາກໄທ ແລະ ຕ່າງປະເທດ ໂດຍເປັນໂຮງໝໍທີ່ມີຊື່ສຽງທີ່ດີໃນ ຫວຽດນາມ, ລາວ, ກໍາປູເຈຍ, ອິນໂດເນເຊຍ, ບຣູໄນ, ຊາອຸ ອາຣະເບຍ, ສະຫະລັດອາຫຼັບ ເອມິເຣດ (UAE), ຄູເວດ, ໂອມານ ແລະ ກາຕ້າ ເຊິ່ງໄດ້ຊ່ວຍຍົກສູງບົດບາດດ້ານການປິ່ນປົວສຸຂະພາບລະດັບໂລກ.

ປັບປ່ຽນຮູບການດູແລສຸຂະພາບເດັກດ້ວຍການປິ່ນປົວຂັ້ນສູງ
ໂຮງໝໍເດັກສະມິຕິເວດ ອິນເຕີເນຊັນແນວ ໄດ້ກໍານົດນິຍາມໃໝ່ຂອງຄວາມເປັນເລີດດ້ານກຸມມານເວດສາດ ດ້ວຍການນໍາສະເໜີບໍລິການການປິ່ນປົວທີ່ທັນສະໄໝ ສໍາລັບພະຍາດທີ່ຜິດປົກກະຕິ ແລະ ພະຍາດຫາຍາກ:
• ການຜ່າຕັດຫົວໃຈແບບເປີດ ສໍາລັບການຜ່າຕັດແຜນ້ອຍ – ການປິ່ນປົວ-ດູແລຫົວໃຈແບບຄົບວົງຈອນຕັ້ງແຕ່ມື້ແຮກເກີດ, ຊ່ວຍໃນການປິ່ນປົວຂັ້ນສູງ ແລະ ການພັກຟື້ນໄດ້ໄວຂຶ້ນ.
• ການປູກຖ່າຍໄຂກະດູກແບບຮາໂພລໄອເດນຕິຄັນ (BMT) ຮ່ວມກັບການບໍາບັດດ້ວຍເຊວ CAR-T – ການປິ່ນປົວຂັ້ນສູງສໍາລັບຄວາມຜິດປົກກະຕິຂອງເມັດເລືອດ ແລະ ມະເຮັງ.
• ການສັນຍະກໍາເດັກ ແລະ ເດັກແຮກເກີດຄົບວົງຈອນ – ນໍາພາໂດຍທ່ານໝໍສະເພາະທາງທີ່ມີຄວາມຊ່ຽວຊານໃນການເຮັດຫັດຖະການຕັ້ງແຕ່ຫົວຮອດຕີນ.
• ການປິ່ນປົວພະຍາດບ້າໝູ ດ້ວຍການໃຊ້ຢາກະຕຸ້ນເສັ້ນປະສາດເວກັສ (VNS) – ວິທີແກ້ໄຂບັນຫາພະຍາດບ້າໝູທີ່ດື້ຢາ.

ສ້າງສິ່ງອໍານວຍຄວາມສະດວກທີ່ທັນສະໄໝເພື່ອຍົກລະດັບຄວາມເປັນເລີດດ້ານກຸມມານເວດສາດ
ໂຮງໝໍໃໝ່ແຫ່ງນີ້ມີທັງໝົດ 8 ຊັ້ນ, ມີ 111 ຕຽງນອນ, ລວມທັງຕຽງສໍາລັບເດັກເຈັບໜັກ 12 ໜ່ວຍ ແລະ ຕຽງສໍາລັບເດັກແຮກເກີດທີ່ເຈັບໜັກ 8 ໜ່ວຍ. ໂຮງໝໍແຫ່ງນີ້ໄດ້ປະສົມປະສານການອອກແບບເຕັກໂນໂລຊີພາຍໃຕ້ແນວຄິດ Smart Hospital ເພື່ອເພີ່ມປະສິດທິພາບໃນການປິ່ນປົວ ແລະ ດູແລ ໂດຍຖືເອົາຄົນເຈັບເປັນສູນກາງ. ຄຸນສົມບັດຫຼັກຂອງໂຮງໝໍແຫ່ງນີ້ປະກອບມີ:

• ມີຫ້ອງຜ່າຕັດລະບົບໄຮບຣິດ: ຂັ້ນຕອນການຜ່າຕັດເດັກເກີດໃໝ່ ແລະ ການຜ່າຕັດໃນເດັກທີ່ຮັບປະກັນຄວາມຖືກຕ້ອງທີ່ສຸດ ໂດຍນໍາໃຊ້ເຕັກໂນໂລຊີ ໄບແພຣນ ເພື່ອສ້າງພາບ 3 ມິຕິຂອງຫຼອດເລືອດ.
• ມີຄວາມຊ່ຽວຊານດ້ານກຸມມານເວດສາດລະດັບໂລກ: ມີທີມແພດຫຼາກຫຼາຍສາຂາທີ່ສາມາດປິ່ນປົວພະຍາດທີ່ຜິດປົກກະຕິ ແລະ ພະຍາດຫາຍາກ.
• ການປິ່ນປົວຂັ້ນສູງໃນເດັກແຮກເກີດ ແລະ ເດັກເຈັບໜັກ: ການປິ່ນປົວສະເພາະທາງສໍາລັບເດັກທີ່ເກີດກ່ອນກໍານົດ ທີ່ມີນໍ້າໜັກຕໍ່າກວ່າ 500 ກຼາມ.
• ສູນຟື້ນຟູໜ້າທີ່ການທີ່ທັນສະໄໝ: ການໃຊ້ຫຸ່ນຍົນຝຶກຍ່າງ, ການຝຶກຟື້ນຟູດ້ວຍຫຸ່ນຍົນ (HAL), ແລະ ລະບົບການປິ່ນປົວບໍາບັດດ້ວຍສະລິງ.
• ບໍລິການປິ່ນປົວຄົນເຈັບຕ່າງປະເທດຄົບວົງຈອນ: ໃຫ້ບໍລິການປຶກສາທາງໂທລະສັບກ່ອນເດີນທາງມາໂຮງໝໍ, ການຂົນສົ່ງທາງການແພດ, ທີມເບິ່ງແຍງຄົນເຈັບຫຼາຍພາສາ, ການນັດໝາຍເພື່ອຕິດຕາມຜົນການປິ່ນປົວ, ການຍົກຍ້າຍ ແລະ ສົ່ງຄົນເຈັບກັບຄືນປະເທດ.

ການຮ່ວມມືລະດັບໂລກ & ຄວາມຊ່ຽວຊານດ້ານການແພດ: ໂຮງໝໍສະມິຕິເວດ ຮ່ວມມືກັບ ໂຮງໝໍເດັກ ດອນເບເຊີຣ໌ (Doernbecher Children’s Hospital (OHSU, ສະຫະລັດອາເມລິກາ) ເພື່ອຍົກລະດັບຄວາມຮູ້ໃນການປິ່ນປົວເບິ່ງແຍງເດັກເຈັບໜັກ, ລວມທັງເດັກແຮກເກີດ, ແລະ ຜູ້ໄດ້ຮັບບາດເຈັບ. ນອກນັ້ນ, ຍັງຮ່ວມມືກັບໂຮງໝໍທາກັດສຶກິ (Takatsuki General Hospital, ປະເທດຍີ່ປຸ່ນ) ເພື່ອຮັບປະກັນໃຫ້ຄົນເຈັບໄດ້ຮັບການປິ່ນປົວສະເພາະທາງສໍາລັບເດັກແຮກເກີດ ແລະ ເດັກທີ່ເປັນພະຍາດພູມແພ້, ຊ່ວຍໃຫ້ສາມາດເຂົ້າເຖິງບໍລິການປິ່ນປົວທີ່ທັນສະໄໝດ້ານກຸມມານເວດສາດໄດ້.

ຜູ້ບຸກເບີກໂຮງໝໍອັດສະລິຍະທີ່ນໍາໃຊ້ນະວັດຕະກໍາທາງການແພດທີ່ທັນສະໄໝ
ໂຮງໝໍສະມິຕິເວດ ແມ່ນຜູ້ນໍາດ້ານການປິ່ນປົວສຸຂະພາບແບບດິຈີຕອນ, ໂດຍປະສົມປະສານເຕັກໂນໂລຊີເພື່ອເພີ່ມປະສິດທິພາບໃນການປິ່ນປົວ ແລະ ເບິ່ງແຍງຄົນເຈັບໄດ້ແກ່:
• ມີແອັບ Well Kidz: ຊ່ວຍບໍລິຫານຈັດການບັນທຶກທາງການແພດ, ການນັດໝາຍ ແລະ ການປຶກສາທາງໄກ.
• ມີບໍລິການຫ້ອງສຸກເສີນອັດສະລິຍະ & ລົດໂຮງໝໍອັດສະລິຍະ: ການຕິດຕາມໃນທັນທີ ເພື່ອຮັບປະກັນໃຫ້ສາມາດຕອບສະໜອງຕໍ່ເຫດການສຸກເສີນໄດ້ຢ່າງວ່ອງໄວ ແລະ ທັນການ.
• ນໍາໃຊ້ລະບົບ Smart OPD & Smart IPD (ລະບົບບໍລິຫານຈັດການພະແນກຄົນເຈັບນອກ ແລະ ຄົນເຈັບໃນ ອັດສະລິຍະ): ການຄາດຄະເນຄ່າໃຊ້ຈ່າຍທີ່ຂັບເຄື່ອນດ້ວຍ AI, ການຈອງຄິວ ແລະ ການຕິດຕໍ່ສື່ສານທີ່ສະດວກສະບາຍ ລະຫວ່າງ ຄົນເຈັບ ແລະ ທີມແພດ.
• ມີລະບົບ D-Discharge: ເພື່ອຊ່ວຍປັບປຸງຂະບວນການອອກໂຮງໝໍຂອງຄົນເຈັບໃຫ້ມີຄວາມສະດວກຫຼາຍຂຶ້ນ.

ເປົ້າໝາຍຜົນໄດ້ຮັບ ແລະ ຜົນສໍາເລັດອັນພົ້ນເດັ່ນດ້ານກຸມມານເວດສາດ
ໂຮງໝໍສະມິຕິເວດສາມາດບັນລຸເປົ້າໝາຍຜົນໄດ້ຮັບທີ່ພົ້ນເດັ່ນຄື:
• ໃຫ້ບໍລິການປິ່ນປົວເດັກເຈັບໜັກຫຼາຍກວ່າ 7,000 ຄົນຕໍ່ປີ
• ຜ່າຕັດເດັກແຮກເກີດ ແລະ ຜ່າຕັດໃນເດັກຫຼາຍກວ່າ 1,000 ຄົນ ລວມທັງຂະບວນການຜ່າຕັດແຜນ້ອຍ
• ອັດຕາການລອດຊີວິດຈາກການປູກຖ່າຍໄຂກະດູກໃນ 1 ປີ ກວມ 92%, ສູງກວ່າເງື່ອນໄຂມາດຕະຖານທົ່ວໂລກ
• ເດັກແຮກເກີດຫຼາຍກວ່າ 400 ຄົນ ທີ່ມີບັນຫາກ່ຽວຂ້ອງກັບຫົວໃຈແມ່ນສໍາເລັດການປິ່ນປົວດ້ວຍການຜ່າຕັດ
• ມີບໍລິການດູແລພິເສດສໍາລັບເດັກເກີດກ່ອນກໍານົດທີ່ມີນໍ້າໜັກແຮກເກີດຕໍ່າກວ່າ 500 ກຼາມ
• ໄດ້ຮັບຄະແນນຄວາມເຊື່ອໝັ້ນຈາກຄອບຄົວສູງເຖິງ 98%

ຄວາມມຸ່ງໝັ້ນເພື່ອອະນາຄົດທີ່ມີສຸຂະພາບດີຍິ່ງຂຶ້ນສໍາລັບເດັກນ້ອຍທຸກຄົນ
ທ່ານ ດຣ. ສຸຣາງຄະນາ ເຕຊະໄພທູນ, ຮອງອໍານວຍການບໍລິຫານ ໂຮງໝໍສະມິຕິເວດ ແລະ BNH ທັງເປັນຫົວໜ້າອໍານວຍການ ໂຮງໝໍເດັກສະມິຕິເວດ ອິນເຕີເນຊັນແນວ ກ່າວວ່າ:
“ພວກຂ້າພະເຈົ້າມີຄວາມປາຖະໜາທີ່ຈະເຫັນເດັກນ້ອຍທຸກຄົນມີສຸຂະພາບດີຂຶ້ນໃນອະນາຄົດ ດ້ວຍການປະສົມປະສານນະວັດຕະກໍາ, ຄວາມຊ່ຽວຊານລະດັບໂລກ ແລະ ການເບິ່ງແຍງດ້ວຍຄວາມເຂົ້າອົກເຂົ້າໃຈ. ໂຮງໝໍແຫ່ງນີ້ຈະຊ່ວຍຍົກສູງບົດບາດຂອງພວກຂ້າພະເຈົ້າໃນຖານະເປັນສູນກາງການສົ່ງຕໍ່ຄົນເຈັບເດັກຊັ້ນນໍາ, ພ້ອມທັງຂະຫຍາຍການເຂົ້າເຖິງບໍລິການປິ່ນປົວສະເພາະ ແລະ ຮັບປະກັນໄດ້ວ່າ ເດັກນ້ອຍທົ່ວໂລກຈະໄດ້ຮັບການປິ່ນປົວ-ດູແລເປັນຢ່າງດີ ນັບແຕ່ໄວເດັກແຮກເກີດຈົນຮອດໄວໜຸ່ມ.”

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...