ສປປ ລາວ ເປັນປະເທດນ້ອຍມີພົນລະເມືອງບໍ່ເຖິງ 7 ລ້ານຄົນ ແລະ ສື່ອອນລາຍກໍຫາເຂົ້າມາມີບົດບາດໃນສັງຄົມລ
າວບໍ່ເທົ່າໃດປີ ແຕ່ຮອດຂະນະນີ້ຕາມຕົວເລກຫຼ້າສຸດກວມເອົາແລ້ວ 12% ຂອງປະຊາກອນລາວແມ່ນໄດ້ເຂົ້າເຖິງອິນ
ເຕີເນັດ ຊຶ່ງສື່ເຫຼົ່ານີ້ແມ່ນປຽບເໝືອນມີດສອງຄົມທີ່ມາພ້ອມຜົນບວກ ຕິດພັນກັບປາກົດການຫຍໍ້ທໍ້ອື່ນໆທີ່ປະຊາ
ຊົນທຸກຖ້ວນໜ້າຄວນມີສະຕິຫຼາຍຂຶ້ນໃນການຊົມໃຊ້.
ສື່ອອນລາຍກໍຄືອິນເຕີເນັດ ທີ່ກຳລັງເຂົ້າມາເປັນສ່ວນໜຶ່ງໃນ ຊີວິດປະຈຳວັນຂອງຫຼາຍໆຄົນໃນປະຈຸບັນ ໄດ້ມາພ້ອມ
ຄັງຂໍ້ມູນຂ່າວສານ, ຄວາມຮູ້ທີ່ເປັນປະໂຫຍດຫຼາຍຢ່າງ ທັງຍັງສາມາດຫຍໍ້ໂລກທີ່ກວ້າງໃຫຍ່ໄພສານໃຫ້ມາຢູ່ໃນອຸປະ
ກອນພຽງເຄື່ອງດຽວ ເຮັດໃຫ້ຜູ້ຄົນທີ່ຈະຢູ່ໃກ້ ຫຼື ໄກໄດ້ໃກ້ສິດ, ຮູ້ຈັກເຫັນໜ້າກັນອັນເປັນການສ້າງຄວາມສະດວກ
ແກ່ການຕິດຕໍ່ພົວພັນວຽກງານຕ່າງໆຢ່າງສະດວກສະບາຍ, ພໍ່ຄ້າຊາວຂາຍຫຼາຍຄົນຮັ່ງມີຂຶ້ນຍ້ອນທຸລະກິດທາງອອນ
ລາຍ.
ໄປຄຽງຄູ່ກັບຈຸດດີເຫຼົ່ານັ້ນ ກໍມີຂໍ້ເສຍຫຼາຍຢ່າງທີ່ຕິດພັນມານຳກໍຄື: ປາກົດການຫຍໍ້ທໍ້ອື່ນໆເປັນຕົ້ນທາງການເມືອງ
ແລະ ເສດຖະກິດ-ສັງຄົມ ຄວາມໝັ້ນຄົງຂອງປະເທດຊາດ ປະຊາຊົນຈຳນວນໜຶ່ງຜູ້ຮູ້ເທົ່າບໍ່ເຖິງການຕົກເປັນເຫຍື່ອ
ຂອງຄົນທີ່ບໍ່ຫວັງດີໄດ້ງ່າຍ, ເກີດມີການຕົວະຕົ້ມຫຼອກລວງ, ໃສ່ຮ້າຍປ້າຍສີ, ດ່າວ່າຮ້າຍກັນອື່ນໆອັນແຕະຕ້ອງເຖິງ
ຊື່ສຽງ, ໜ້າທີ່ຕຳແໜ່ງສິດທິສ່ວນບຸກຄົນຂອງຝ່າຍກົງກັນຂ້າມຢ່າງຫຼີກເວັ້ນບໍ່ໄດ້.
ຢ່າງໃດກໍຕາມ ທ່ານ ສະຫວັນຄອນ ຣາຊາມຸນຕຣີ ລັດຖະມົນຕີຊ່ວຍວ່າການກະຊວງຖະແຫຼງຂ່າວ, ວັດທະນະທຳ ແລະ
ທ່ອງທ່ຽວ (ຖວທ) ໄດ້ກ່າວມື້ວານນີ້ຕໍ່ສື່ມວນຊົນຢູ່ກະຊວງ ຖວທ ບາງຕອນວ່າ: ເຖິງລາວຈະເປັນປະເທດນ້ອຍການ
ພັດທະນາຫຼາຍດ້ານຍັງອ່ອນນ້ອຍ ແຕ່ສຳລັບເຕັກໂນໂລຊີທາງໄອທີ ແມ່ນລາວມີການພັດທະນາໄວພໍສົມຄວນ ເວົ້າ
ສະເພາະສື່ອອນລາຍທີ່ໄດ້ເຂົ້າມາສູ່ສັງຄົມລາວ ໃນໄລຍະບໍ່ເທົ່າໃດປີມານີ້ ແຕ່ກໍໄດ້ຮັບການຂະຫຍາຍຕົວຢ່າງວ່ອງໄວ
ຕາມຕົວເລກສະຖິຕິຫຼ້າສຸດມີແລ້ວ 850.000 ຄົນເທົ່າກັບ 12% ຂອງພົນລະເມືອງລາວທີ່ມີປະມານ 6,8 ລ້ານກວ່າຄົນ
ທີ່ໄດ້ເຂົ້າເຖິງອິນເຕີເນັດ ຖ້າທຽບໃສ່ອາຊີ ລາວກວມສັດສ່ວນ 0,2% ແລະ ຍັງສືບຕໍ່ເພີ່ມຂຶ້ນຢ່າງຕໍ່ເນື່ອງ.
ທ່ານລັດຖະມົນຕີຊ່ວຍວ່າການກ່າວອີກວ່າ: ການເຂົ້າເຖິງເຕັກໂນໂລຊີທັນສະໄໝລັດຖະບານບໍ່ໄດ້ກີດກັ້ນ ກົງກັນ
ຂ້າມ ຍັງຊຸກຍູ້ສົ່ງເສີມໃຫ້ລາວສາມາດກ້າວທັນພາກພື້ນ ແລະ ສາກົນ ແຕ່ເພື່ອຮັບປະກັນການຊົມໃຊ້ອິນເຕີເນັດ
ໃຫ້ມີຄວາມສະຫງົບ ແລະ ເກີດປະໂຫຍດສູງສຸດ ສິ່ງສຳຄັນທີ່ສຸດຄືຜູ້ຊົມໃຊ້ຕ້ອງໃຊ້ຢ່າງມີວິຈາລະນະຍານ ຮູ້ຈັກກັ່ນ
ຕອງຮັບຮູ້ເອົາໃນສິ່ງທີ່ເປັນປະໂຫຍດ, ມີສະຕິຕໍ່ການຈຳແນກສິ່ງທີ່ຈະເປັນພິດໄພຕໍ່ຕົນເອງ, ສັງຄົມ ແລະ ປະເທດ
ຊາດ.
ແນວໃດກໍດີ ເພື່ອເຮັດໃຫ້ການນຳໃຊ້ສື່ອອນລາຍດຳເນີນໄປຢ່າງຖືກຕ້ອງສອດຄ່ອງ ຕາມລະບຽບກົດໝາຍລັດຖະ
ບານຈິ່ງໄດ້ອອກດຳລັດວ່າດ້ວຍການຄຸ້ມຄອງ ຂໍ້ມູນຂ່າວສານຜ່ານອິນເຕີເນັດ ສະບັບເລກທີ 327/ ລບ ລົງວັນທີ 16
ກັນຍາ 2014 ນີ້ ເພື່ອກຳນົດຫຼັກການ, ລະບຽບການ ແລະ ມາດຕະການໃນການຄຸ້ມຄອງຂໍ້ມູນຂ່າວສານຜ່ານອິນເຕີ
ເນັດ ເພື່ອຮັບປະກັນຄວາມໝັ້ນຄົງຂອງຊາດ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມແນ
ໃສ່ປົກປ້ອງກຽດສັກສີ ແລະ ຜົນປະໂຫຍດອັນຊອບທຳຂອງຜູ້ໃຫ້ບໍລິການ, ຜູ້ໃຊ້ບໍລິການ ແລະ ສັງຄົມ ປະກອບ
ສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ໂດຍສະເພາະໃຫ້ຮັບປະກັນຂໍ້ມູນຂ່າວສານທີ່ເປັນ
ພິດໄພແກ່ສັງຄົມ ແລະ ຄວາມໝັ້ນຄົງຂອງຊາດ.
ແຫລ່ງຂ່າວ: ເສດຖະກິດ – ສັງຄົມ