ອຸບັດຕິເຫດລົດໄຟ ຕຳຝູງຊ້າງປ່າທີ່ສີລັງກາ ເສຍຊີວິດ 6 ໂຕ

ອີງຕາມສຳນັກຂ່າວ TNN ລາຍງານໃນວັນທີ 20 ກຸມພາ 2025, ເກີດອຸບັດຕິເຫດລົດໄຟໂດຍສານໃນສີລັງກາຕົກລາງ ໃນຊ່ວງເຊົ້າມືດ (20 ກຸມພາ) ຕາມເວລາທ້ອງຖິ່ນ ຫຼັງຈາກລົດໄຟຂະບວນດັ່ງກ່າວໄດ້ຕຳເຂົ້າກັບຝູງຊ້າງປ່າທີ່ກຳລັງຍ່າງຂ້າມລາງລົດໄຟ ທີ່ເຂດສະຫງວນສັດປ່າທີ່ຮາບາລານາ ເຊິ່ງຢູ່ຫ່າງໂຄລອມໂບ ປະມານ 180 ກິໂລແມັດ.

ຕາມການລາຍງານຂອງເຈົ້າໜ້າທີ່ລະບຸວ່າ: ບໍ່ມີຜູ້ໂດຍສານໄດ້ຮັບບາດເຈັບ ຫຼື ເສຍຊີວິດ ແຕ່ມີຊ້າງປ່າ 6 ໂຕທີ່ເສຍຊີວິດຈາກອຸບັດຕິເຫດຄັ້ງນີ້ ນັບເປັນອຸບັດຕິເຫດທີ່ມີຄວາມຮຸນແຮງທີ່ສຸດທີ່ກ່ຍວຂ້ອງກັບສັດປ່າໃນສີລັງກາ.

ຢ່າງໃດກໍຕາມຍັງມີຊ້າງອີກ 2 ໂຕທີ່ຍັງລອດຊີວິດ, ສຳລັບອຸບັດຕິເຫດນີ້ກໍເຄີຍເກີດຂຶ້ນເມື່ອປີ 2018 ເຊິ່ງລົດໄຟໄດ້ຕຳຊ້າງ 3 ໂຕເສຍຊີວິດ ຕັ້ງແຕ່ນັ້ນມາທາງການໄດ້ສັ່ງໃຫ້ຄົນຂັບລົດໄຟປະຕິບັດຕາມຂໍ້ກຳນົດຄວາມໄວເພື່ອຫຼຸດຜ່ອນຄວາມສ່ຽງໃນການເກີດອັນຕະລາຍແກ່ຊ້າງ.