ອຸບັດຕິເຫດຮັກ! ໜຸ່ມຊາວຈີນຂັບລົດຕຳຍິງສາວ ຈົນເຂົົ້າໂຮງໝໍຈຶ່ງໄດ້ໄປຢ້ຽມຢາມຕະຫຼອດ ຈົນເກີດຄວາມຮັກ ເລື່ອນສະຖານະຈາກຄູ່ກໍລະນີ ເປັນ ຄູ່ຊີວິດ.
ສຳນັກຂ່າວຕ່າງປະເທດລາຍງານເມື່ອວັນທີ 17 ກຸມພາ 2025 ຜ່ານມາ, ເປັນເລື່ອງລາວສຸດຮືຮາ ເມື່ອຊາຍໜຸ່ມຈີນຊື່ ຫລີ່ ອາຍຸ 36 ປີ ອາໄສຢູ່ເຂດຫູໜານ ປະເທດຈີນ ເກີດອຸບັດຕິເຫດຂັບລົດຕຳຍິງສາວອາຍຸ 23 ປີ ເຮັດໃຫ້ຍິງສາວໄດ້ຮັບບາດເຈັບ ຈົນຕ້ອງໄດ້ເຂົ້າໂຮງໝໍ ເຊິ່ງໃນລະຫວ່າງທີ່ຍິງສາວເຂົ້າຮັບການຮັກສາຢູ່ໃນໂຮງໝໍ ທ້າວ ຫລີ່ ໄດ້ເຂົ້າໄປຢ້ຽມຢາມດູແລຍິງສາວຄົນດັ່ງກ່າວໃນທຸກໆມື້.
ທ້າວ ຫລີ່ ໄດ້ເປີດເຜີຍວ່າ: ຍິງສາວໄດ້ເຂົ້າຮັບການຮັກສາຢູ່ໂຮງໝໍດົນນານກວ່າ 10 ມື້, ໂດຍຕົນພະຍາຍາມດູແລເບິ່ງແຍງຜູ້ຍິງຄົນນີ້ຢ່າງໃກ້ຊິດ ເຊິ່ງເຮັດໃຫ້ທັງສອງມີຄວາມຮູ້ສຶກທີ່ດີຕໍ່ກັນ, ເຖິງແມ່ນວ່າທ້າວ ຫລີ່ ແລະ ຍິງສາວມີອາຍຸຫ່າງກັນເຖິງ 13 ປີ ແຕ່ພໍ່ແມ່ຂອງທັງສອງຝ່າຍຕ່າງເຄົາລົບການຕັດສິນໃຈຂອງທັງຄູ່ ເຮັດໃຫ້ທັງສອງຕົກລົງກັນແຕ່ງງານ ໃນວັນທີ 6 ກຸມພາ 2024 ຜ່ານມາ.
ຫຼັງຈາກເລື່ອງລາວດັ່ງກ່າວໄດ້ຖືກເຜີຍແຜ່ອອກໄປໃນສື່ສັງຄົມອອນລາຍກໍມີຊາວເນັດ ເຂົ້າມາສະແດງຄວາມຍິນດີນຳທັງສອງຢ່າງຫຼວງຫຼາຍ.