Homeຂ່າວຄວາມສະຫງົບປກສ ນວ ອອກແຈ້ງການຕາມຫາເຈົ້າຂອງຄວາຍ ທີ່ເກີດອຸບັດຕິເຫດ

ປກສ ນວ ອອກແຈ້ງການຕາມຫາເຈົ້າຂອງຄວາຍ ທີ່ເກີດອຸບັດຕິເຫດ

Published on

ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການເຖິງ: ບັນດາບ້ານທີ່ຂື້ນກັບ 09 ເມືອງທີ່ຢູ່ໃນ ນະຄອນຫຼວງວຽງຈັນ, ເພື່ອຕາຫາເຈົ້າຂອງສັດລ້ຽງ (ຄວາຍ) ທີ່ໄດ້ປະສົບອຸບັດຕິເຫດ ແລ້ວເຮັດໃຫ້ຜູ້ຂັບຂີ່ລົດຈັກເສຍຊີວິດ 01 ຄົນ. ໃນເວລາ 01 ໂມງ 45 ນາທີຂອງວັນທີ 13 ທັນວາ 2024 ທີ່ເກີດເຫດຖະໜົນເລກ 10 ເຂດບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ ເຊິ່ງຈຸບັນຄວາຍ ຈໍານວນ 08 ໂຕ ໄດ້ຮັກສາໄວ້ຢູ່ດິນສວນຍາດພີ່ນ້ອງ ຜູ້ເສຍຫາຍເຂດບ້ານອຸດົມຝົນ ເມືອງໄຊທານີ ນະຄອນຫຼວງວຽງຈັນ.

ຫຼັງຈາກນັ້ນ, ວັນທີ 18 ທັນວາ 2024 ທາງເຈົ້າໜ້າທີ່ແມ່ນໄດ້ລົງສົມທົບອໍານາດການປົກຄອງບ້ານໂນນສະອາດ ເພື່ອຊອກຫາເຈົ້າຂອງສັດ (ຄວາຍ) ຈໍານວນ 08 ໂຕ ທີ່ທາງຍາດຕິພີ່ນ້ອງຜູ້ເສຍຊີວິດໄດ້ຮັກສາໄວ້, ແຕ່ຜ່ານການກວດກາ ແລະ ເກັບກຳຂໍ້ມູນຢູ່ພື້ນຖານແມ່ນເຫັນວ່າ: ບໍ່ມີໃຜມາສະແດງຕົວວ່າເປັນເຈົ້າຂອງສັດ, ດັ່ງນັ້ນທາງກຸ່ມ ບ້ານຈຶ່ງໄດ້ອອກແຈ້ງການເຖີງອໍານາດການປົກຄອງບ້ານ 11 ບ້ານ ລົງວັນທີ 13 ທັນວາ 2024 ແລ້ວ ແຕ່ກໍບໍ່ມີໃຜມາຮັບ ວ່າເປັນເຈົ້າຂອງສັດ.

ດັ່ງນັ້ນ: ທາງກອງບັນຊາການ ປກສ ນະຄອນຫຼວງວຽງຈັນ ຈຶ່ງໄດ້ອອກແຈ້ງການສະບັບນີ້ມາຍັງບັນດາບ້ານທີ່ ຂຶ້ນກັບ 09 ເມືອງທີ່ຢູ່ໃນນະຄອນຫຼວງວຽງຈັນ ເພື່ອຊາບ ແລະ ແຈ້ງຕໍ່ປະຊາຊົນຂອງຕົນ ເພື່ອຊາບພາຍໃນກໍານົດເວລາ 01 ເດືອນນັບແຕ່ທີ 25 ມັງກອນ 2025 – 25 ກຸມພາ 2025.
ນັບແຕ່ມື້ອອກແຈ້ງການໄປແລ້ວຖ້າຫາກບໍ່ມີເຈົ້າຂອງສັດ (ຄວາຍ) ມາພົວພັນເອົາຕາມທີ່ໄດ້ກຳ ນົດເວລາທີ່ໄດ້ລະບຸມາຂ້າງເທິງນັ້ນ ຄວາຍຈໍານວນດັ່ງກ່າວແມ່ນຈະໄດ້ມອບໃຫ້ຍາດຕິພີ່ນ້ອງຜູ້ເສຍຊີວິດເລີຍ.

ແຫຼ່ງຂ່າວ: ຄວາມສະຫງົບ

ບົດຄວາມຫຼ້າສຸດ

ລັດຖະມົນຕີ ຍທຂ ລົງຕິດຕາມ ການກໍ່ສ້າງ ແລະ ສ້ອມແປງເສັ້ນທາງ ຢູ່ແຂວງໄຊຍະບູລີ ຢູ່ 4 ເມືອງໃຕ້ ແລະ ເສັ້ນທາງໄປຊາຍແດນລາວ-ໄທ, ໄຊຍະບູລີ-ເລີຍໂຄງການກໍ່ສ້າງຕ້ານເຈື່ອນຢູ່ນໍ້າເຫືອງ ເມືອງແກ່ນທ້າວ ແລະ ເມືອງບໍ່ແຕນ

ໃນວັນທີ 11 ພຶດສະພາ 2026 ທີ່ຫ້ອງວ່າການແຂວງ ໄຊຍະບູລີ ທ່ານ ເພັງນິລັນ ຄໍາພັນເພັງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນ ໄຊຍະບູລີ ພ້ອມດ້ວຍຄະນະ...

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...