ອີງຕາມກົມຕຳຫຼວດຈາລະຈອນ ລາຍງານອຸບັດຕິເຫດໃນຂອບເຂດທົ່ວປະເທດ ພາຍໃນເດືອນມັງກອນ 2025 ທີ່ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 101 ຄົນ ຈາກອຸບັດເຫດເກີດຂຶ້ນທັງໝົດ 817 ຄັ້ງ ຖ້າທຽບກັບຜູ້ເສຍຊີວິດໃນເດືອນທັນວາ 2024 ຜ່ານມາ ເພີ່ມຂຶ້ນ 9 ຄົນ ເຊິ່ງມີຜູ້ເສຍຊີວິດ 92 ຄົນ.
ສຳລັບສາເຫດທີ່ພາໃຫ້ເກີດອຸບັດຕິເຫດ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະຂັບຂີ່ໄວເກີນກຳນົດ, ດື່ມສິ່ງມຶນເມົາ ແລະ ອື່ນໆ ແລະ ສ່ວນຫຼາຍ ອຸບັດເຫດ ແມ່ນເກີດຂຶ້ນໃນກຸ່ມອາຊີບກໍາມະກອນ ແລະ ກຸ່ມນັກຮຽນ ນັກສຶກສາ.
ຂໍ້ມູນ: ກົມຕຳຫຼວດຈາລະຈອນ