ໂດໂນ ທຣໍາ ເຊັນຄໍາສັ່ງສົ່ງຜູ້ເຂົ້າປະເທດແບບຜິດກົດໝາຍ ໃນນີ້ມີຄົນສັນຊາດລາວ 4,850 ຄົນ.ຈາກການອອກມາເປີດເຜີຍ ແລະ ບົດລາຍງານເດືອນພະຈິກ ຂອງສຳນັກງານກວດຄົນເຂົ້າເມືອງ ຂອງສະຫະລັດ (ICE) ໄດ້ລະບຸວ່າ: ຄົນລາວຫຼາຍກວ່າ 4,000 ຄົນ ທີ່ຢູ່ໃນສະຫະລັດ ໄດ້ຮັບຄຳສັ່ງເນລະເທດຂັ້ນສຸດທ້າຍ ແຕ່ຍັງບໍ່ຖືກຄວບຄຸມຕົວໃນຂະນະນີ້.
ຕາມການລາຍງານລະບຸໄວ້ວ່າ: ຫຼັງຈາກທີ່ໂດໂນ ທຣຳ ປະທານາທິບໍດີສະຫະລັດ ໄດ້ອອກຄຳສັ່ງມາດຕະການປາບປາມຜູ້ອົບພະຍົບທົ່ວປະເທດ ເມື່ອວັນທີ 26 ມັງກອນ 2025 ຜ່ານມາ, ເຊິ່ງສົ່ງຜົນໃຫ້ມີການກັກໂຕຜູ້ຕ້ອງສົງໃສ 956 ຄົນ ເຊິ່ງເປັນຈຳນວນສູງສຸດນັບຕັ້ງແຕ່ກັບມາດຳລົງຕຳແໜ່ງ.ສຳລັບຕົວເລກຜູ້ອົບພະຍົບ ແມັກຊິໂກ ຢູ່ອັນດັບສູງສຸດ ໂດຍຈະຕ້ອງຖືກອົບພະຍົບ 252,044 ຄົນ ໃນຂະນະທີ່ຄົນລາວ ຈະຖືກອົບພະຍົບ 4,850 ຄົນ.
ໂດໂນ ທຣຳ ໄດ້ລົງນາມໃນຮ່າງກົດໝາຍ ກຳນົດໃຫ້ກັກຂັງຜູ້ອົບພະຍົບທີ່ເດີນທາງເຂົ້າສະຫະລັດ ໂດຍບໍ່ໄດ້ຮັບອະນຸຍາດ ແລະ ຖືກກັກໂຕ ຫຼື ຖືກຕັ້ງຂໍ້ຫາໃນບາງຄະດີ.ກົດໝາຍສະບັບນີ້ຖືເປັນກົດໝາຍສະບັບທຳອິດ ແລະ ນັບເປັນກ້າວທຳອິດໃນການພະຍາຍາມທີ່ຈະເຂັ້ມງວດກັບການບັງຄັບໃຊ້ກົດໝາຍກວດຄົນເຂົ້າເມືອງ ເຊິ່ງຕັ້ງແຕ່ດຳລົງຕຳແໜ່ງ ທຣຳ ໄດ້ດຳເນີນການເຊັນເອກະສານໄປແລ້ວ 21 ສະບັບ ເພື່ອປະຕິຮູບລະບົບການກວດຄົນເຂົ້າເມືອງຂອງສະຫະລັດ.
ທີ່ມາ: The Laotian Times