spot_img
Homeຂ່າວພາຍ​ໃນຊົມເຊີຍເຈົ້າໜ້າທີ່ຍຶດ ຢາສູບຊອງ ແລະ ຢາສູບໄຟຟ້າລອກແບບຈຳນວນຫຼາຍ

ຊົມເຊີຍເຈົ້າໜ້າທີ່ຍຶດ ຢາສູບຊອງ ແລະ ຢາສູບໄຟຟ້າລອກແບບຈຳນວນຫຼາຍ

Published on

ເຈົ້າໜ້າທີ່ຍຶດຢາສູບ-ຢາສູບໄຟຟ້າ ທີ່ລັກລອບເຂົ້າມາຈາກຕ່າງປະເທດເພື່ອຈຳໜ່າຍພາຍໃນ ພ້ອມທັງໄດ້ດຳເນີນມາດຕະການ ຕາມກົດໝາຍ.

ໃນປີ 2024 ຜ່ານມາ, ເຈົ້າໜ້າທີ່ການຄ້າ ໃນຂອບເຂດທົ່ວປະເທດ ໄດ້ເຄື່ອນໄຫວ ຕິດຕາມ, ກວດກາຕາມຮ້ານຄ້າ, ມິນິມາກ, ຊຸບເປີ້ມາເກັດ, ສາງເກັບມ້ຽນສິນຄ້າ ແລະ ໂຮງງານຜະລິດຢາສູບບາງແຫ່ງ ສາມາດ ຢຶດ ແລະ ອາຍັດ ສິນຄ້າປະເພດຢາສູບໄດ້ ຈຳນວນ 1,441,253 ຊອງ ແລະ ຢາສູບໄຟຟ້າ ຈໍານວນ 60,112 ອັນ ພ້ອມທັງໄດ້ດຳເນີນມາດຕະການ ຕາມກົດໝາຍ ແລະ ລະບຽບການ ຕໍ່ເຈົ້າຂອງສິນຄ້າ ແລະ ໄດ້ທຳລາຍສິນຄ້າຖິ້ມ.

ເຊິ່ງຢາສູບຈໍານວນດັ່ງກ່າວ ເປັນຢາສູບທີ່ຜະລິດປອມແປງລອກຮຽນແບບ ແລະ ລະເມີດເຄື່ອງໝາຍການຄ້າຂອງບໍລິສັດອື່ນ, ຢາສູບທີ່ມີການລັກລອບນຳເຂົ້າມາຈາກຕ່າງປະເທດເພື່ອຈຳໜ່າຍພາຍໃນ, ບໍ່ຕິດສະຫຼາກຄຳເຕືອນສຸຂະພາບໃສ່ຊອງຢາສູບຕາມທີ່ກະຊວງສາທາລະນະສຸກກຳນົດໄວ້, ບໍ່ຕິດສະຫຼາກສິນຄ້າເປັນພາສາລາວ ແລະ ຢາສູບໄຟຟ້າ (ເຊິ່ງເປັນສິນຄ້າເກືອດຫ້າມ).

ດັ່ງນັ້ນ, ຕໍ່ສະພາບການດັ່ງກ່າວ ຄະນະເຈົ້າໜ້າທີ່ການຄ້າ ຈະໄດ້ສືບຕໍ່ລົງຕິດຕາມ ກວດກາ, ຖ້າຫາກກວດພົບເຫັນວ່າ: ຮ້ານຄ້າ, ມິນິມາກ, ຊຸບເປີ້ມາເກັດ, ຜູ້ປະກອບການນຳເຂົ້າ-ສົ່ງອອກ ແລະ ຜູ້ປະກອບການອື່ນໆ… ຫາກຍັງມີການນຳເຂົ້າ ແລະ ຈຳໜ່າຍ, ຜະລິດ ສິນຄ້າປະເພດຢາສູບ ທີ່ບໍ່ຖືກຕ້ອງຕາມກົດໝາຍ ແລະ ລະບຽບການ ຈະຖືກຍຶດ, ອາຍັດ, ປັບໃໝ ແລະ ທຳລາຍຖິ້ມ ພ້ອມທັງດຳເນີນມາດຕະການຕາມກົດໝາຍ ແລະ ລະບຽບການ ຕໍ່ກັບເຈົ້າຂອງຮ້ານຄ້າ ຫຼື ເຈົ້າຂອງສິນຄ້າດັ່ງກ່າວ.

(ທ່ານສາມາດ ແຈ້ງເບາະແສການລະເມີດໄດ້ທີ່ ສາຍດ່ວນ 1510 ທີ່ ກົມແຂ່ງຂັນທາງທຸລະກິດ ແລະ ກວດກາການຄ້າ, ກະຊວງອຸດສາຫະກຳ ແລະ ການຄ້າ).

ແຫຼ່ງຂ່າວ: ກົມແຂ່ງຂັນທາງທຸລະກິດ ແລະ ກວດກາການຄ້າຢາສູບປອມ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...