ເຮືອບິນຂອງສາຍການບິນ American Airlines ຕຳກັບເຮລິຄອບເຕີ ກາງອາກາດ ກ່ອນຕົກລົງແມ່ນ້ຳໃນນະຄອນ ວໍຊິງຕັນ ດີຊີ ເຈົ້າໜ້າທີ່ໜ່ວຍກູ້ໄພສຸກເສີນເລັ່ງຄົ້ນຫາໂດຍໃຊ້ໂດຣນບິນບໍລິເວນຈຸດເກີດເຫດ.
ອີງຕາມສຳນັກຂ່າວ BCC ລາຍງານໃນວັນທີ 21:00 ໂມງຂອງວັນທີ 28 ມັງກອນ 2025 ຜ່ານມາ, ເກີດອຸບັດຕິເຫດເຮືອບິນລຸ້ນ Bombardier CRJ700 ຂອງພີເອສເອ ແອລາຍ (PSA Airlines) ທີ່ໃຫ້ບໍລິການແກ່ສາຍການບິນ ອາເມຣິກາ ແອລາຍ ໃນຖ້ຽວບິນ 5342 ເຊິ່ງເດີນທາງຈາກເມືອງ ວິຊິຕາ ລັດແຄນຊັດ ກ່ອນຈະເກີດເຫດຕຳກັນກາງອາກາດ ກັບ ເຮລິຄອບເຕີ Sikorsky H-60 ກ່ອນຈະຕົກລົງໄປໃນແມ່ນ້ຳ ໂພໂຕ ເຊິ່ງໄຫຼຜ່ານ ນະຄອນວໍຊິງຕັນດີຊີ.
ຕາມການລາຍງານຫຼ້າສຸດ: ເຈົ້າໜ້າທີ່ກູ້ໄພຄົ້ນພົບສົບຜູ້ເສຍຊີວິດແລ້ວ 18 ຄົນ ໃນຂະນະທີ່ຖ້ຽວບິນດັ່ງກ່າວມີຜູ້ໂດຍສານທັງໝົດ 60 ຄົນ ແລະ ກັບຕັນພ້ອມຜູ້ຊ່ວຍອີກ 4 ຄົນ ສ່ວນ ເຮລິຄອບເຕີ ມີທະຫານທັງໝົດ 3 ຄົນ ລວມທັງໝົດ 67 ຄົນທາງດ້ານເຈົ້າໜ້າທີ່ເລັ່ງລະດົມກຳລັງຄົ້ນຫາ ແລະ ຊ່ວຍເຫຼືອຜູ້ປະສົບເຫດທີ່ເຫຼືອຕໍ່ໄປ.
ແຫຼ່ງຂ່າວ: BBC