ສຳນັກຂ່າວໂຕກຽວລາຍງານໃນວັນທີ 28 ມັງກອນ 2025 ຜ່ານມາ, ເກີດເຫດລົດບັນທຸກຕົກຂຸມຂະໜາດໃຫຍ່ ທີ່ບໍລິເວນສີ່ແຍກແຫ່ງໜຶ່ງ ໃນຈັງຫວັດໄຊຕາມະ ທີ່ຕິດຢູ່ກັບນະຄອນໂຕກຽວ.
ເຈົ້າໜ້າທີ່ຕຳຫຼວດໄດ້ຮັບແຈ້ງ ເກີດເຫດເມືອເວລາ 07:50 ໂມງ ຕາມເວລາທ້ອງຖິ່ນ ໂດຍຂຸມດັ່ງກ່າວເກີດຂຶ້ນທີ່ ເມືອງຍາຊິໂອະ ເຊິ່ງຂຸມມີຂະໜາດກວ້າງ 10 ແມັດ ແລະ ເລິກ 6 ແມັດ, ເຮັດໃຫ້ລົດບັນທຸກທີ່ຂັບມາຕົກລົງໄປໃນຂຸມດັ່ງກ່າວ, ທາງດ້ານເຈົ້າໜ້າທີ່ລາຍງານເບື້ອງຕົ້ນ ຍັງບໍ່ສາມາດຊ່ວຍເຫຼືອຜູ້ປະສົບອຸບັດຕິເຫດກໍຄືຄົນຂັບອາຍຸ 74 ປີ ທີ່ຕົກຂຸມໃນຄັ້ງນີ້ເຊິ່ງຂາດການຕິດຕໍ່ໄປໃນຊ່ວງບ່າຍຂອງວັນທີ 28 ມັງກອນ 2025.
ຈາກການລາຍງານໄດ້ລະບຸຕື່ມອີກວ່າ: ມີລະບົບທໍ່ໃຕ້ດິນຜ່ານບໍລິເວນສີ່ແຍກໃກ້ຄຽງກັບຈຸດເກີດເຫດ ແລະ ເຈົ້າໜ້າທີ່ກຳລັງສືບສວນຫາສາເຫດທີ່ແທ້ຈິງຂອງການເກີດຂຸມຍຸບຕົວຂະໜາດໃຫຍ່ໃນຄັ້ງນີ້.
ແຫຼ່ງຂ່າວ: ສຳນັກຂ່າວໄທ