ສຳນັກຂ່າວຕ່າງປະເທດ ລາຍງານໃນວັນທີ 16 ມັງກອນ 2025 ຜ່ານມານີ້ວ່າ: TikTok ວາງແຜນການປິດປະຕິບັດການຂອງແອບພຣິເຄຊັ່ນ TikTok ໃນສະຫະລັດເຊິ່ງມີຊາວອາເມຣິກາໃຊ້ຫຼາຍກວ່າ 170 ລ້ານຄົນ ໃນວັນອາທິດທີ 19 ມັງກອນ 2024 ນີ້ ເມື່ອຄຳສັ່ງຫ້າມໃຊ້ງານສື່ສັງຄົມອອນລາຍໃນສະຫະລັດມີຜົນບັງຄັບໃຊ້.
ຕາມການລາຍງານລະບຸວ່າ: ໂດນັລ ທຣັມ ວ່າທີ່ປະທານາທິບໍດີສະຫະລັດ ເຊິ່ງເລີ່ມມີວາລະການດຳລົງຕຳແໜ່ງເປັນເວລາ 4 ປີ, ພາຍໃນ 1 ວັນຫຼັງຈາກມີຄຳສັ່ງຫ້າມໃຊ້ງານ TikTok ເລີ່ມມີຜົນບັງຄັບໃຊ້ກຳລັງພິຈາລະນາ ອອກຄຳສັ່ງທາງການບໍລິຫານໃຫ້ລະງັບໃຊ້ຄຳສັ່ງແບນ TikTok ອອກໄປເປັນເວລາ 60-90 ວັນ.
ກົດໝາຍທີ່ລົງນາມໄປເມື່ອເດືອນເມສາປີທີ່ແລ້ວ ກຳນົດຫ້າມດາວໂຫລດແອັບ TikTok ໃໝ່ຜ່ານທາງແອັບສະໂຕ ຫຼື ເພສະໂຕ ຫາກວ່າບໍລິສັດໄບແດັນ (ByteDance) ຂອງຈີນເຊິ່ງເປັນເຈົ້າແອັບ TikTok ຂາຍກິດຈະການໃນຊ່ວງນີ້ ສຳລັບຜູ້ທີ່ດາວໂຫລດອັບນີ້ໃນທາງທິດສະດີແລ້ວ ຍັງຄົງໃຊ້ງານແອັບໄດ້ປົກກະຕິ ຫຼັງຈາກຜ່ານວັນອາທິດນີ້ໄປ ຍົກເວັ້ນກົດໝາຍຫ້າມບໍລິສັດໃນສະຫະລັດ ຢຸດໃຫ້ບໍລິການ ການສ້ອມບຳລຸງ ຫຼື ການອັບເດດ.
ຢ່າງໃດກໍຕາມທາງດ້ານບໍລິສັດໄບແດັນ ກຳລັງພະຍາຍາມຢ່າງໜັກເພື່ອໃຫ້ມີການເລື່ອນການບັງຄັບໃຊ້ກົດໝາຍນີ້ເຊິ່ງລະບຸວ່າເ ການສັ່ງຫ້າມເຊັ່ນນີ້ເປັນການລະເມີດບົດບັນຍັດແກ້ໄຂເພີ່ມເຕີມກົດມາຍສະບັບທີ 1 ວ່າດ້ວຍເສລີພາບໃນການສະແດງຄວາມຄິດເຫັນ.
ແຫຼ່ງຂ່າວ: ສຳນັກຂ່າວໄທ