ສຳນັກຂ່າວຕ່າງປະເທດລາຍງານໃນວັນທີ 14 ມັງກອນ 2025 ນີ້ວ່າ: ທ່ານໝໍ ໝູ ວີລະສັກ ຈະຣັດໄຊສີ ໄດ້ໂພສເປີດເຜີຍຂໍ້ມູນອົງກອນອານາໄມໂລກ ຫຼື WHO ຈັດໃຫ້ເຄື່ອງດື່ມແອວກໍຮໍເປັນສານກໍ່ມະເຮັງ ຜ່ານເຟສບຸກສ່ວນຕົວໂດຍມີເນື້ອໃນລະບຸວ່າ:
ອົງກອນອານາໄມລໂກໄດ້ເຜີຍແຜ່ຖະແຫຼງການໃນວາລະສານ The Lancet Public Health ວ່າ: ການດື່ມແອວກໍຮໍ ບໍ່ວ່າຈະປະລິມານໃດກໍບໍ່ປອດໄພຕໍ່ສຸຂະພາບ ເຊິ່ງແອວກໍຮໍເປັນສານທີ່ມີລິດຕໍ່ຈິດປະສາດ ແລະ ກໍ່ໃຫ້ເກີດການເສບຕິດ ແລະ ຖືກຈັດໃຫ້ຢູ່ໃນກຸ່ມ 1 ທີ່ຢັ້ງຢືນວ່າເປັນສານກໍ່ມະເຮັງໃນມະນຸດເຊິ່ງເປັນອັນຕະລາຍຕັ້ງແຕ່ການດື່ມຄັ້ງທຳອິດ.
ສຳລັບສານແອວກໍຮໍເຮັດໃຫ້ເກີດມະເຮັງຢ່າງນ້ອຍ 7 ຊະນິດລວມເຖິງມະເຮັງຊະນິດທີ່ພົບໄດ້ຫຼາຍທີ່ສຸດເຊັ່ນ: 1 ມະເຮັງຫຼອດອາຫານ, 2 ມະເຮັງຕັບ, 3 ມະເຮັງເຕົ້ານົມ, 4 ມະຮັງລຳໄສ້, 5 ມະເຮັງຊ່ອງປາກ, 6 ມະເຮັງໂພງດັງ ແລະ 7 ມະເຮັງກ່ອງສຽງ.
ຄວາມສ່ຽງໃນການເກີດມະເຮັງເພີ່ມຂຶ້ນຫຼາຍເມື່ອດື່ມແອວກໍຮໍເປັນຈຳນວນຫຼາຍ, ຢ່າງໃດກໍຕາມ ຂໍ້ມູນຫຼ້າສຸດລະບຸວ່າ ເຄິ່ງໜຶ່ງຂອງໂຣກມະເຮັງທັງໝົດ ມີສາເຫດມາຈາກການດື່ມແອວກໍຮໍໃນປະລິມານໜ້ອຍ ແລະ ປານກາງ ຕົວຢ່າງເຊັ່ນ: ວາຍນ້ອຍກວ່າ 1.5 ລິດ, ເບຍນ້ອຍກວ່າ 3.5 ລິດ ຫຼື ເຫຼົ້າບໍ່ເກີນ 450 ມິລີລິດຕໍ່ໜຶ່ງອາທິດ.
ແຫຼ່ງຂ່າວ:WHO