ນັກຮົບຂອງກຸ່ມຕິດອາວຸດລັດອິດສະລາມ ຫລື ໄອເອັສ ກໍ່ເຫດສັງຫານຜູ້ຍິງເຖິງ 150 ຄົນ ເນື່ອງຈາກບໍ່ພໍໃຈທີ່ພວກນາງ
ປະຕິເສດບໍ່ຍອມແຕ່ງດອງນຳ.
ສຳນັກຂ່າວຕ່າງປະເທດ ລາຍງານໃນວັນທີ 18 ທັນວານີ້ ໂດຍອ້າງຖະແຫລງການຈາກກະຊວງສິດທິມະນຸດຂອງອີຣັກ ເຊິ່ງ
ເຜີຍແຜ່ໃນວັນອັງຄານທີ 16 ທັນວາຜ່ານມາວ່າ ນັກຮົບຂອງກຸ່ມຕິດອາວຸດລັດອິດສະລາມ ຫລື IS ໃນປະເທດອີຣັກ ໄດ້ປະ
ຫານຜູ້ຍິງຢ່າງໜ້ອຍ 150 ຄົນ ເນື່ອງຈາກພວກນາງປະຕິເສດ ບໍ່ຍອມແຕ່ງດອງກັບນັກຮົບໃນກຸ່ມຂອງພວກເຂົາ.
ຖະແຫລງການໄດ້ລະບຸວ່າ ນັກຮົບຕິດອາວຸດຂອງກຸ່ມໄອເອັສຊື່ ອາບູ ອານັດ ອັນ-ລີບີ ໄດ້ສັງຫານຜູ້ຍິງຢ່າງໜ້ອຍ 150 ຄົນ
ເຊິງໃນນັ້ນລວມທັງແມ່ຍິງທີ່ຖືພາອີກດ້ວຍ ຢູ່ໃນເມືອງຟັນລູຈາ ແຂວງ ອັນ-ອັນບາ ທາງພາກຕາເວັນຕົກຂອງປະເທດ
ພາຍຫລັງທີ່ພວກນາງບໍ່ຍອມເຂົ້າພິທີແຕ່ງດອງ ກັບນັກຮົບລັດອິດສະລາມ ໂດຍສົບຂອງພວກນາງໄດ້ຖືກຝັງເອົາໄວ້ໃນ
ສຸສານຂະໜາດໃຫຍ່.