ອັບເດດຕັວເລກຜູ້ເສຍຊີວິດຈາກເຫດແຜ່ນດິນໄຫວຮຸນແຮງຂະນາດ 7.1 ແມັກນິຈູດ ໃນເຂດທິເບດປະເທດຈິນ ເພີ່ມຂຶ້ນຢ່າງໜ້ອຍ 126 ຄົນ ແລະ ບາດເຈັບອີກ 188 ຄົນ ເຈົ້າໜ້າທີ່ຄາດວ່າມີຜູ້ຄົນທີ່ຕິດຢູ່ໃນຊາກອາຄານອີກຈຳນວນຫຼາຍ ຫຼັງມີລາຍງານບ້ານເຮືອນພັງຖະຫຼົ່ມຫຼາຍກວ່າ 3,600 ຫຼັງ.
ອີງຕາມສຳນັກຂ່າວຕ່າງປະເທດການລາຍງານໃນວັນທີ 8 ມັງກອນ 2024 ເຖິງຄວາມຄືບໜ້າເຫດການແຜ່ນດິນໄຫວຮຸນແຮງຂະນາດ 7.1 ແມັກນິຈູດ ທີ່ເຂດປົກຄອງຕົນເອງ ທິເບດ ຂອງປະເທດຈີນ ໃນຊ່ວງເຊົ້າວັນທີ 7 ມັງກ່ອນ 2025 ຕາມເວລາທ້ອງຖິ່ນ.
ສື່ທາງການຈີນລາຍງານໂຕເລກຜູ້ເສຍຊີວິດໃນທິເບດຫຼ້າສຸດ ເພີ່ມຂຶ້ນ 126 ຄົນ ບາດເຈັບອີກ 188 ຄົນ ແຕ່ຍັງບໍ່ມີລາຍງານພົບຜູ້ເສຍຊີວິດຈາກບ່ອນອື່ນ ເຊິ່ງເຫດການແຜ່ນດິນໄຫວໃນຄັ້ງນີ້ໄດ້ສ້າງຄວາມເສຍຫາຍຕໍ່ໂຄງສ້າງພື້ນຖານຢ່າງໜັກ ແລະ ມີອາຄານບ້ານເຮືອນເສຍຫາຍຫຼາຍກວ່າ 3.600 ຫຼັງ.
ພາຍຫຼັງເຫດແຜ່ນດິນໄຫວທາງດ້ານເຈົ້າໜ້າທີ່ຕຳຫຼວດ ແລະ ເຈົ້າໜ້າທີ່ກູ້ໄພຫຼາຍກວ່າ 3.400 ຄົນ ແລະ ບຸກຄາລາກອນທາງການແພດອີກ 340 ຄົນ ລະດົມກຳລັງເລັ່ງໃຫ້ຄວາມຊ່ວຍເຫຼືອບປະຊາຊົນໃນພຶ້ນທີ່ປະສົບໄພ ທ່າມກາງສະພາບທີ່ໜາວເຢັນ ເຊິ່ງກາງຄືນທີ່ຜ່ານມາອຸນຫະພູມຢູ່ທີ່ -6 ອົງສາ ແລະ ຄາດວ່າຈະຫຼຸດລົງຮອດ -16 ອົງສາ ທາງດ້ານລັດຖະບານກາງໄດ້ຈັດສົ່ງຄວາມຊ່ວຍເຫຼືອ ລວມເຖິງເຕັ້ນ ຜ້າຮົ່ມ ແລະ ອຸປະກອນປ້ອງກັນຄວາມໜາວ.
ຢ່າງໃດກໍຕາມຂໍ້ມູນຈາກນັກງານອຸຕຸນິຍົມ ແລະ ອຸທົກກະສາດສະຫະລັດ (USGS) ລະບຸວ່າ: ບໍລິເວນຈຸດເກີດເຫດແຜ່ນດິນໄຫວຄັ້ງນີ້ເຄີຍເກີດຂຶ້ນມາແລ້ວ ເຊິ່ງກ່ອນໜ້ານີ້ມີຂະນາດ 6 ແມັກນິຈູດ ເປັນ 10 ຄັ້ງ ໃນຊ່ວງສັດຕະວັດທີຜ່ານມາ.