ເກີດເຫດແຜ່ນດິນໄຫວຮຸນແຮງໃນເຊດທິເບດປະເທດຈີນ ແຮງສັ່ນສະເທືອນເປັນວົງກວ້າງອອກໄປໄກເຖິງເນປານ ທີ່ຢູ່ຫ່າງ 200 ກິໂລແມັດ ເບື້ອງຕົ້ນມີລາຍງານຜູ້ເສຍຊີວິດ.
ສຳນັກຂ່າວຕ່າງປະເທດລາຍງານໃນວັນທີ 7 ມັງກອນ 2025 ເວລາ 08:05 ໂມງເກີດເຫດແຜ່ນດິນໄຫວຮຸນແຮງບໍລິເວນເຂດປົກຄອງຕົນເອງທິເບດຂອງຈີນ ແຜ່ນດິນໄຫວດັ່ງກ່າວມີຄວາມຮຸນແຮງຂະນາດ 7.1 ແມັກນິຈູດ ມີຄວາມເລິກປະມານ 10 ກິໂລແມັດ ຕາມການລາຍງານຫຼ້າສຸດມີຜູ້ເສຍຊີວິດທັງໝົດ 53 ຄົນ ແລະ ບາດເຈັບ 62 ຄົນ.
ແຜ່ນດິນໄຫວສ້າງແຮງສັ່ນສະເທຶືອນໄປໄກເຖິງເນປານ ແລະ ອິນເດຍ ໂດຍປະຊາຊົນຈຳນວນຫຼາຍໄດ້ແລ່ນອອກຈາກບ້ານເຮືອນໃນເມືອງຫຼວງຂອງເນປານ ຫົນທາງເຕັມໄປດ້ວຍປະຊາຊົນທີ່ແຕກຕື່ນຍ້ອນແຮງສັ່ນສະເທືອນ ນອກຈາກນີ້ສື່ຈີນຍັງລາຍງານວ່າ: ມີອາຄານບ້ານເຮືອນໄດ້ຮັບຄວາມເສຍຫາຍຫຼາຍກວ່າ 1000 ຫຼັງ ໂດຍເຈົ້າໜ້າທີ່ກ່ຽວຂ້ອງຂອງຈີນໄດ້ເຂົ້າໃຫ້ການຊ່ວຍເຫຼືອຢ່າງເລັ່ງດ່ວນໃນພຶ້ນທີ່ທີ່ໄດ້ຮັບຜົນກະທົບ ຂະນະທີ່ໄຟຟ້າ ແລະ ນ້ຳປະປາກໍໄດ້ຖືກຕັດຂາດ.