ອີງຕາມໜ່ວຍຄົ້ນຫາໃຕ້ນໍ້ານາກນ້ອຍ ລາຍງານໃນວັນອາທິດທີ 28 ທັນວາ 2024 ເວລາ 6:30 ນາທີ ເກີດເຫດເຮືອຫຼົ້ມ ແລະ ຄົນຈົມນໍ້າຢູ່ທີ່ບ້ານໂພນແພງ ເມືອງທຸລະຄົມ ແຂວງວຽງຈັນ (ຈົມ2ຄົນເປັນພໍ່ແລະລູກ)
ຕາມການລາຍງານໃຫ້ຮູ້ວ່າ: ພໍ່ກັບລູກ ແລະ ອີກ 5 ຄົນ ໄດ້ນັ່ງເຮືອໄປສວນເພື່ອໄປເກັບໝາກກາທັນມາຂາຍ ຂາກັບເກີດເຫດບໍ່ຄາດຄິດເຮືອຫຼົ້ມ, ອີກ 5 ຄົນກຳລັງຈະລອຍກັບຝັ່ງ, ສ່ວນຜູ້ເປັນພໍ່ເຫັນລູກກຳລັງຈະຈົມເລີຍໄດ້ລອຍໄປຊ່ວຍລູກເພື່ອຂື້ນຝັ່ງ ແຕ່ກໍສາມາດຊ່ວຍຂື້ນມາໄດ້ ແລະເຮັດໃຫ້ຜູ້ພໍ່ຈົມນໍ້າໄປກັບລູກ
ຂໍ້ມູນເບື້ອງຕົ້ນ: ຜູ້ເປັນພໍ່ຊື່: ທ້າວພໍ່ມຸກ, ອາຍຸ 51ປີ ບ້ານໂພນແພງ ເມືອງທຸລະຄົມ ເເຂວງວຽງຈັນ ສ່ວນຜູ້ເປັນລູກສາວຊື່ ນາງນົກປີດ ອາຍຸ 20ປີ ບ້ານໂພນແພງ ເມືອງທຸລະຄົມ ແຂວງວຽງຈັນ.
ດັ່ງນັ້ນ, ທາງທີມດຳນໍ້າຈື່ງໄດ້ທຳການຄົ້ນຫາເປັນເວລາ 3-4 ຊົ່ວໂມງກໍບໍ່ພົບ ແຕ່ໃນມື້ຕໍ່ມາວັນທີ 30 ທັນວາ 2024, ສົບລູກກໍໄດ້ຟູຂື້ນມາໃນເວລາ 7 ໂມງເຊົ້າສ່ວນສົບຂອງພໍ່ຍັງບໍ່ທັນພົບເຫັນ
ຂໍສະແດງຄວາມເສຍໃຈນຳຄອບຄົວຍາດຕິພີ່ນ້ອງຜູ້ເສຍຊີວິດໃນເຫດການຄັ້ງນີ້ດ້ວຍ ແລະ ຂໍໃຫ້ພໍ່ແລະລູກໄປສູ່ສຸຂະຕິເດີ