ຊ່ວງນີ້ເຂົ້າສູ່ຍາມໜາວແລ້ວ, ຫຼາຍຄົນຄົງຄົງຈະມີອາການເປັນຫວັດ, ເປັນໄອ ລວມໄປເຖິງການອັກເສບຕ່ອມອາມິດານ ຫຼື ຄໍແດງ. ເຊິ່ງທຸກຄົນຈະຮູ້ຫຼືບໍ່ວ່າ: ານອັກເສບຕ່ອມອາມິດານ ຫຼື ຄໍແດງ ຈະສົ່ງຜົນກະທົບສ່ຽງເກີດເປັນພະຍາດຫຼາຍຢ່າງໃນຮ່າງກາຍ, ມື້ນີ້ແອັດໄດ້ນຳຂໍ້ມູນມາຝາກໄປອ່ານນຳກັນເລີຍ.
” ຮູ້ຈັກກັບຕ່ອມອາມິດານ ຫຼື ຕ່ອມທອນຊິລແມ່ນຕ່ອມຫຍັງ?
ຕ່ອມອາມິດານ ຫຼື ຕ່ອມທອນຊິລ ເປັນຕ່ອມນໍ້າເຫຼືອງສອງຕ່ອມ ຂ້າງຊ້າຍ ແລະ ຂວາໃນລໍາຄໍ, ຢູ່ຕິດກັບກົກລິ້ນ, ມີໜ້າທີ່ໃນການຈັບ ແລະ ທຳລາຍເຊື້ອພະຍາດ ທີ່ເຂົ້າສູ່ຮ່າງກາຍຜ່ານທາງເດີນຫາຍໃຈ, ແຕ່ໃນຂະນະດຽວກັນກໍກາຍເປັນບ່ອນກັກເກັບເຊື້ອພະຍາດ ພາໃຫ້ມີອາການເຈັບຄໍ ຫຼື ເອີ້ນວ່າ ອັກເສບອາມິດານ ຫຼື ຕ່ອມທອນຊິລ.
“ລັກສະນະອາການເຈັບ:
-ມີອາການເຈັບຄໍ ເວລາກືນນໍ້າລາຍ
-ມີໜອງຢູ່ຕ່ອມອາມິດານ ຫຼື ຕ່ອມທອນຊິລ
– ກືນອາຫານລຳບາກ, ປວດໄປຮອດຫູ
-ມີກິ່ນປາກ.
“ມີຄວາມສ່ຽງໃນການເປັນພະຍາດຫຍັງແນ່?
– ການອັກເສບຫູຊັ້ນກາງ
– ໝາກໄຂ່ຫຼັງອັກເສບ
– ລິ້ນຫົວໃຈຮົ່ວ ແລະ ພະຍາດອື່ນໆທີ່ເປັນອັນຕະລາຍຕໍ່ຮ່າງກາຍ.
“ວິທີປິ່ນປົວ
1. ປິ່ນປົວຕາມອາການເຊັ່ນ: ກິນຢາແກ້ໄຂ, ຢາພົ່ນ ຫຼື ຢາອົມແກ້ອາການເຈັບຄໍ.
2. ປົກກະຕິແລ້ວອາການຈະຄ່ອຍໆດີຂຶ້ນໃນ 7-10 ມື້.
2. ປິ່ນປົວດ້ວຍການຜ່າຕັດ
– ຖ້າມີການອັກເສບອາມິດານຊໍາເຮື້ອ ຈະຕ້ອງໄດ້ມີການຜ່າຕັດ, ໃນການຜ່າຕັດ ແພດຈະທຳການໃສ່ອຸປະກອນເຂົ້າໄປໃນປາກ ບໍລິເວນຕ່ອມດັ່ງກ່າວ ແລ້ວທຳການຜ່າຕັດ, ການຜ່າຕັດລັກສະນີ້ຈະບໍ່ມີບາດແຜໃດທີ່ສາມາດເຫັນໄດ້ຈາກພາຍນອກ.