spot_img
Homeຂ່າວພາຍ​ໃນສສຊ ຫຼວງນໍ້າທາ ຂຶ້ນສະເໜີ ຮີບຮ້ອນດັດແກ້ງົບປະມານໂຄງການເສັ້ນທາງປູຢາງ 2 ຊັ້ນ ຈາກເທດສະບານແຂວງ-ເມືອງນາແລ

ສສຊ ຫຼວງນໍ້າທາ ຂຶ້ນສະເໜີ ຮີບຮ້ອນດັດແກ້ງົບປະມານໂຄງການເສັ້ນທາງປູຢາງ 2 ຊັ້ນ ຈາກເທດສະບານແຂວງ-ເມືອງນາແລ

Published on

ທ່ານ ຄຳຟອງ ອິນມານີ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫຼວງນ້ຳທາ ໄດ້ມີຄຳເຫັນຕໍ່ບົດລາຍງານຂອງລັດຖະບານຢູ່ກອງປະຊຸມສະໄໝສາມັນເທື່ອທີ 8 ຂອງສະ ພາແຫ່ງຊາດຊຸດທີ IX ເມື່ອວັນທີ 18 ພະຈິກ 2024 ວ່າ: ແຂວງຫຼວງນ້ຳທາ ມີໂຄງການເປົ້າໝາຍສະເພາະຂອງລັດຖະບານ ຄືເສັ້ນທາງປູຢາງ 2 ຊັ້ນ ຈາກເທດສະບານແຂວງໄປຮອດເມືອງວິລະຊົນ ກໍຄືເມືອງນາແລ, ຜ່ານການຈັດຕັ້ງປະຕິບັດ ແຂວງໄດ້ສະເໜີດັດແກ້ຫົວໜ່ວຍລາຄາໃຊ້ເວລາດົນພໍສົມຄວນ ມາຮອດປັດຈຸບັນກໍບໍ່ທັນໄດ້ດັດແກ້ເທື່ອ, ມູນຄ່າໂຄງການທີ່ສະເໜີດັດແກ້ໄລຍະນັ້ນ ມາຮອດປັດຈຸບັນ ບາງເທື່ອອາດຈະເປັນໄປບໍ່ໄດ້ອີກແລ້ວ.

อาจเป็นรูปภาพของ 3 คน และ ข้อความ
ສະນັ້ນ, ຂໍສະເໜີໃຫ້ລັດຖະບານຮີບຮ້ອນດັດແກ້ງົບປະມານໂຄງການດັ່ງກ່າວຄືນ ເພື່ອສາມາດຈັດຕັ້ງປະຕິບັດໃຫ້ສຳເລັດໂດຍໄວ; ນອກຈາກຈະດັດແກ້ແລ້ວ, ກໍຂໍໃຫ້ສືບຕໍ່ຈັດສັນງົບປະ ມານໃຊ້ວຽກທີ່ຈັດຕັ້ງປະຕິບັດສຳເລັດຕາມຕົວຈິງທີ່ພວກເຮົາໄດ້ເຮັດກ່ອນ, ຜ່ານມາຈັດສັນຂອນຂ້າງໜ້ອຍ.ພ້ອມນີ້, ສະເໜີລັດຖະບານຮີບຮ້ອນກວດກາ ແລະ ລົງທຶນໃສ່ການກໍ່ສ້າງພື້ນຖານໂຄງລ່າງ ໂດຍສະເພາະແມ່ນເຂດເຊື່ອມຕໍ່ເຊື່ອມຈອດລະຫວ່າງແຂວງຫຼວງນ້ຳທາຫາຊາຍແດນບໍ່ເຕັນ, ຈາກບໍ່ເຕັນໄປຮອດນາເຕີຍຫາເສັ້ນທາງລົດໄຟ ເຊິ່ງຈຸດດັ່ງກ່າວເສັ້ນ ທາງເປ່ເພຫຼາຍທີ່ສຸດ; ດ່ານບໍ່ເຕັນ ເປັນດ່ານພາສີໜຶ່ງທີ່ເກັບ ລາຍງານເຂົ້າງົບປະມານຫຼາຍພໍສົມຄວນ ມາຮອດເດືອນ 10 ປີນີ້ ເກີນ 656 ກວ່າຕື້ກີບແລ້ວ, ສະນັ້ນ ຖ້າເຮົາສຸມໃສ່ແກ້ໄຂພື້ນຖານໂຄງລ່າງ ເຊື່ອວ່າການຈັດເກັບລາຍຮັບງົບປະມານຈະໄດ້ຫຼາຍກວ່າ.

ຂ່າວ: ວສລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...