spot_img
Homeຂ່າວທ້ອງຖິ່ນປະກາດຮັບຮອງ ພະທາດຫຼວງຈຽງຕຶງ ເປັນມໍລະດົກແຫ່ງຊາດ ລະດັບທ້ອງຖິ່ນ ແຫ່ງທີ 1

ປະກາດຮັບຮອງ ພະທາດຫຼວງຈຽງຕຶງ ເປັນມໍລະດົກແຫ່ງຊາດ ລະດັບທ້ອງຖິ່ນ ແຫ່ງທີ 1

Published on

ແຂວງຫລວງນໍ້າທາ ໄດ້ຈັດພິທີປະກາດຮັບຮອງ ພະທາດຫຼວງຈຽງຕຶງ ເມືອງສິງ ເປັນມໍລະດົກແຫ່ງຊາດ ລະດັບທ້ອງຖິ່ນ ແຫ່ງທີ 1 ຂອງ ແຂວງຫຼວງນໍ້າທາ ເພື່ອເປັນການສົ່ງເສີມປີທ່ອງທ່ຽວລາວ 2024 ໃນວັນທີ 15 ພະຈິກ 2024 ຜ່ານມາ, ໂດຍການເຂົ້າ ຮ່ວມຂອງ ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖະແຫລງຂ່າວ ວັດທະນະທໍາ ແລະ ທ່ອງທ່ຽວ, ພ້ອມດ້ວຍປະຊາຊົນພາຍໃນເມືອງສິງເຂົ້າຮ່ວມ.

ພະທາດຫຼວງຈຽງຕຶງເປັນພະທາດ ທີ່ມີປະຫວັດຄວາມເປັນມາແຕ່ດົນນານ ແລະ ເປັນມິ່ງຂວັນຂອງຊາວພຸດສະນິກະຊົນທັງພາຍໃນ ແລະ ຕ່າງປະເທດ, ຕາມໜັງສືທີ່ບັນທຶກໄວ້ ພະທາດຫຼວງຈຽງຕຶງ ສ້າງຕັ້ງຂື້ນໃນປີ ພສ 400 ໂດຍ ພະຍາອະໂສະກະ ໄດ້ນຳພາປະຊາຊົນຊາວເມືອງສິງ ສ້າງພະທາດຫຼວງຈຽງຕຶງ ຂຶ້ນໂດຍນຳເອົາກະດູກຄໍຫອຍຂອງພະເຈົ້າ 50 ພະອົງ ຫລັງຈາກນັ້ນ 1,618 ປີ, ໃນປີ ພສ 2018 ພະຍາແທນໄຮ້ ໄດ້ນຳພາປະຊາຊົນຊາວເມືອງສິງບັນດາເຜົ່າພ້ອມກັນສ້າງໃຫ້ເປັນດວງທາດ ແລະ ຖືວ່າເປັນການປະຕິສັງຂອນພະທາດຫຼວງຈຽງຕຶງ ຄັ້ງທີ 1. ພສ 2351 ຄັ້ງທີ 2 ,ພສ 2431 ຄັ້ງທີ 3, ພສ 2500 ຄັ້ງທີ 4, ພສ 2563 ຄັ້ງທີ 5 ປິ.

ມາຮອດ ປີ 2024 ,ລວມອາຍຸ ພະທາດຫຼວງຈຽງຕຶງ 2166 ປີ ແລະ ໃນປີ ພສ 2566 ທ່ານ ວຽງສະຫວັດ ສີພັນດອນ ພ້ອມພັນລະຍາ ນາງ ສົມວິໄລວົງ ສຸຂະວົງ ແລະ ຍາດພີ່ນ້ອງ ໄດ້ເປັນເຈົ້າສັດທາ ສ້າງກຸຕິສົງ 1 ຫຼັງ ແລະ ຫ້ອງນໍ້າ ພ້ອມທັງອອກແບບຕົບແຕ່ງ ໜອງສະລະ ໜອງສັກສິດ, ປຸກຕົ້ນໄຮ 7 ສີ, ປູກຕົ້ນໄມ້ປະດັບປະດາຕົບແຕ່ງ ຂອບເຂດບໍລິເວນສັກສິດ ພະທາດຫຼວງຈຽງຕຶງ.

ການປະກາດຮັບຮອງ ພະທາດຈຽງຕຶງ ເປັນມໍລະດົກແຫ່ງຊາດ ລະດັບທ້ອງຖິ່ນ ເປັນການຍົກລະດັບ ແລະ ປະຊາສໍາພັນສະຖານທີ່ທ່ອງ ຕາມທິດພັດທະນາການທ່ອງທ່ຽວຂອງແຂວງ ກໍຄືລັດຖະບານ ທັງເປັນການດຶງດູດ ແລະ ປ່ຽນພຶດຕິກໍາຂອງ ນັກທ່ອງທ່ຽວທັງພາຍໃນ ແລະ ຕ່າງປະເທດ ຈາກພຽງແຕ່ເດີນທາງຜ່ານໃຫ້ກາຍນັກທ່ອງທ່ຽວ ແລະ ພະທາດຈຽງຕຶງ ຈະກາຍເປັນໜຶ່ງໃນຈຸດໝາຍປາຍທາງ ຂອງນັກທ່ອງທ່ຽວ.
ທີ່ມາ: LNR

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...