spot_img
Homeຂ່າວຕ່າງປະເທດສະຫຼົດ! ຍູທູບເບີຊື່ດັງ-ຊ່ຽວຊານດ້ານງູ ຖືກງູກັດເສຍຊີວິດ

ສະຫຼົດ! ຍູທູບເບີຊື່ດັງ-ຊ່ຽວຊານດ້ານງູ ຖືກງູກັດເສຍຊີວິດ

Published on

ອີງຕາມການລາຍງານເວັບໄຊຕ່າງປະເທດ ໃນວັນທີ 31 ຕຸລາ 2024 ນີ້ກ່ຽວກັບເຫດການສຸດເສົ້າ ເມື່ອ ເກຣແຮມ ດິງໂກ ດິງເຄລແມນ (Graham Dingo Dinkelman) ອາຍຸ 44 ປີ ຍູທູບເບີຊື່ດັງ-ນັກອານຸລັກສັດປ່າ ແລະ ເປັນຜູ້ຊ່ຽວຊານດ້ານງູ ໄດ້ເສຍຊີວິດເມື່ອວັນທີ 28 ຕຸລາ 2024 ຜ່ານມາ ເນື່ອງຈາກຖືກງູກີນແມມບາກັດ.

ເຫດການດັ່ງກ່າວເກີດຂຶ້ນເມື່ອປະມານໜຶ່ງເດືອນກ່ອນໜ້ານີ້ ເຊິ່ງ ດິງໂກ ໄດ້ຖືກງູກີນແມມບາ ໜຶ່ງໃນງູຜິດທີ່ຮ້າຍແຮງທີ່ສຸດໃນອາຟຣິກາ ກັດຕົນໃນຂະນະເຮັດວຽກ ດ້ວຍອາການທີ່ແພ້ຜິດຂັ້ນຮຸນແຮງ ເຮັດໃຫ້ລາວຊ໋ອກ ແລະ ໝົດສະຕິທັນທີ.

ດິງໂກຖືກນຳຕົວສົ່ງໂຮງໝໍຢ່າງໄວວາ ທາງດ້ານທີມແພດໃຊ້ເຄື່ອງຊາວຍຫາຍໃຈ ແລະ ເຮັດໃຫ້ລາວຢູ່ໃນອາການໂຄມາເພື່ອຮັກສາຊີວິດ ເຊິ່ງລາວສາມາດຕໍ່ສູ້ກັບຜິດດົນນານເກືອບເດືອນ ແຕ່ສຸດທ້ານກໍບໍ່ສາມາດທົນຜິດໄດ້.

ທັງນີ້ງູກີນແມມບາ ເປັນງູທີ່ມີລັກສະນະສີຂຽວພຶ້ນທ້ອງສີຂາວ ຫຼື ສີເຫຼືອງ ມີເກັດໃຫຍ່ ມີຮູບຮ່າງຍາວສະເລ່ຍ 2 ແມັດ ມີຜິດຮ້າຍແຮງ ທີ່ສາມາດຂ້າ ຫຼື ເຮັດໃຫ້ເຫຍື່ອອຳມະພາດໄດ້.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...