ກຸ່ມ IS ສົ່ງອາວຸດຂົ່ມຂັວນຊາວອີຣັກ ປ່ອຍຝູງແມງງອດນັບພັນໂຕ ແຕກຮືເຂົ້າເຂດຊຸມຊົນ ເນັ້ນຜົນດ້ານຈິດຕະສາດ
ຫວັງກໍ່ຄວາມແຕກຕື່ນ ແລະ ຢ້ານກົວ.
ສຳນັກຂ່າວຕ່າງປະເທດ ລາຍງານໃນວັນທີ 16 ທັນວາຜ່ານມານີ້ວ່າ ກຸ່ມລັດອິດສະລາມ ຫລື ກຸ່ມ ໄອເອັສ ໄດ້ນຳໃຊ້ອາວຸດ
ດ້ານຈິດຕະວິທະຍາແບບໃໝ່ ດ້ວຍການສົ່ງແມງງອດ ເຂົ້າໂຈມຕີບ້ານແຫ່ງໜຶ່ງຢູ່ໃນເຂດພື້ນທີ່ຂັດແຍ່ງ ຢູ່ທາງພາກ
ເໜືອຂອງປະເທດອີຣັກ ເຊິ່ງຍຸດໂທບາຍອັນນີ້ ໄດ້ຮັບການເປີດເຜີຍຈາກອະດີດຜູ້ຊ່ຽວຊານດ້ານອາວຸດເຄມີ ແລະ ຊີວະ
ພາບຂອງນາໂຕ້ ແລະ ກອງທັບອັງກິດ ທີ່ໄດ້ຮັບລາຍງານການໂຈມຕີດັ່ງກ່າວ ໃນເວລາຢູ່ໃນພື້ນທີ່ອີຣັກ.
ຝູງແມງງອດ ໄດ້ຖືກຜູ້ກໍ່ການຮ້າຍຈັບໃສ່ແກັດ ແລ້ວນຳໄປວາງໄວ້ໃນເສັ້ນທາງທີ່ມຸ່ງໜ້າເຂົ້າສູ່ຊຸມຊົນ ແລະ ເມື່ອແກັດ
ດັ່ງກ່າວຖືກເປີດອອກ ຝູງແມງງອດກໍພາກັນໄຕ່ເຂົ້າໄປໃນເຂດຊຸມຊົນ, ເຖິງແມ່ນວ່າມັນບໍ່ໄດ້ສ້າງຄວາມເສຍຫາຍອັນ
ໃດຫລວງຫລາຍກໍຕາມ, ແຕ່ກໍສາມາດສ້າງຄວາມຫວາດຫວັ່ນຢ້ານກົວ ໃຫ້ກັບຊາວບ້ານໃນອີຣັກເປັນຢ່າງສູງ ເຊິ່ງນັບ
ເປັນການໂຈມຕີດ້ວຍອາວຸດຈິດຕະສາດຊະນິດໜຶ່ງ.