ວັນທີ 30 ຕຸລາ 2024 ນີ້, ສຳນັກຂ່າວ CNN ລາຍງານເລື່ອງລາວສຸດໜ້າເຫຼືອເຊື່ອ ເມື່ອໜຸ່ມຈາກລັດນອສແຄໂຣໄລນາ ສະຕາຊິວິດປ່ຽນກາຍເປັນເສດຖີໜ້າໃໝ່ ຖືກລາງວັນຫວຍຂູດ 1 ລ້ານໂດລາສະຫະລັດ ຫຼື ປະມານເກືອບ 22 ຕື້ກີບ ຫຼັງຈາກທີ່ລາວເກັບເງິນໃບ 20 ໂດລາທີ່ຕົກຢູ່ພຶ້ນແລ້ວນຳມາຊື້.
ຕາມການລາຍງານເປັີດເຜີຍວ່າ: ເມື່ອວັນທີ 22 ຕຸລາ 2024 ທ້າວ ເຈີລີ້ ຮິກ ເປັນນາຍຊ່າງໄມ້ ໄດ້ສັງເກດເຫັນເງິນໃບ 20 ໂດລາຕົກຢູ່ພຶ້ນບໍລິເວນເດີ່ນຈອດລົດ ຫຼັງຈາກນັ້ນລາວໄດ້ຕື່ມເງິນຂອງຕົນເອງອີກ 5 ໂດລາ ເພື່ອໄປຊື້ຫວຍຂູດລາງວັນ Extreme Cash ມູນຄ່າປະມານ 554,000 ກີບ ກ່ອນຈະຖືກລາງວັນເປັນເງິນເກືອບ 25 ກວ່າຕື້ກີບ.
ສຳລັບການຮັບເງິນລາງວັນລາວສາມາດຮັບລາງວັນແບ່ງຈ່າຍຕະຫຼອດໄລຍະ 20 ປີ ແຕ່ທາງດ້ານ ທ້າວ ຮິກ ເລືອກທີ່ຈະຮັບເງິນເປັນກ້ອນຈຳນວນ 600,000 ໂດລາ ຫຼື ປະມານ 13 ກວ່າຕື້ກີບ, ກ່ອນທີ່ຈະເປີດເຜີຍວ່າ ຕອນນີ້ຈະນຳເງິນໄປສະເຫຼີມສະຫຼອງກັບຄອບຄົວທີ່ Golden Corral ໂດຍເຂົາຈະຊື້ທຸກຢ່າງທີ່ຕ້ອງການ ແລະ ກິນທຸກຢ່າງທີ່ຢາກກິນ.
ທີ່ມາ: CNN