ແຂວງອຸດົມໄຊ ໄດ້ກະກຽມຄວາມພ້ອມເພື່ອເຂົ້າຮ່ວມງານກິລານັກ ຮຽນທົ່ວປະເທດ ຄັ້ງທີ 7 ທີ່ແຂວງສາລະວັນໄດ້ຮັບກຽດເປັນເຈົ້າພາບ ໂດຍຈະສົ່ງນັກກິລາເຂົ້າຮ່ວມແຂ່ງໃນ 6 ປະເພດກິລາ, ໂດຍວາງຄາດໝາຍໃຫ້ໄດ້ 6 ຫຼຽນຄຳ, 8 ຫຼຽນເງິນ ແລະ 8 ຫຼຽນທອງ.
ທ່ານ ສີທອງ ທັນຂັນຕີ ຮອງຫົວໜ້າພະແນກສຶກສາທິການ ແລະ ກິລາແຂວງອຸດົມໄຊໃຫ້ຮູ້ວ່າ: ໃນຈຳນວນ 12 ປະເພດກິລາ ແຂວງອຸດົມໄຊ ຈະສົ່ງນັກກິລາເຂົ້າຮ່ວມແຂ່ງໃນ 6 ປະເພດກິລາຄື: ແລ່ນລານ, ເທຄັວນໂດ, ເປຕັງ, ໜ້າເກັກ, ໝາກແລ້ ແລະ ໜາກເສິກ. ສ່ວນການຄັດເລືອກນັກກິລາເຂົ້າຮ່ວມແຂ່ງຂັນແມ່ນຄົບທຸກປະເພດແລ້ວ. ປະຈຸບັນ, ນັກກິລາທຸກຄົນແມ່ນມີຄວາມພ້ອມ ແລະ ມີການຝຶກຊ້ອມ-ຝຶກແອບຢູ່ແຕ່ລະສະໂມສອນເປັນປົກກະຕິ ແລະ ບໍ່ທັນໄດ້ເຂົ້າສູນເທື່ອ, ຄາດວ່າຕົ້ນເດືອນ ພະຈິກ ຈຶ່ງຈະເຂົ້າສູນຝຶກຊ້ອມເພື່ອກຽມເຂົ້າຮ່ວມແຂ່ງຂັນງານກິລາຄັ້ງນີ້
ສໍາລັບງານກິລານັກຮຽນທົ່ວປະເທດ ຄັ້ງທີ 7 ທີ່ແຂວງສາລະວັນ ຈະຈັດຂຶ້ນຢ່າງເປັນທາງການໃນລະຫວ່າງວັນທີ 13-22 ທັນວາ 2024 ໂດຍກໍານົດແຂ່ງຂັນທັງໝົດ 12 ປະເພດກິລາ ປະກອບມີ: ແລ່ນ-ລານ, ບານເຕະ, ບານສົ່ງໃນຮົ່ມ/ຫາດຊາຍ, ບານບ້ວງ, ກະຕໍ້, ປິ່ງປ່ອງ, ດອກປີກໄກ່, ເປຕັງ, ໝາກແລ້, ໜ້າເກັກ, ໝາກເສິກ ແລະ ເທຄວັນໂດ.
ຂ່າວ: ວສລ