ກະຊວງປ້ອງກັນຄວາມສະຫງົບ ອອກຂໍ້ຕົກລົງສະບັບເລກທີ 2682./ປກສ ລົງວັນທີ 20.ກັນຍາ 2024 ວ່າດ້ວຍການລົບລ້າງເຄື່ອງພິມບັດປະຈຳຕົວ ແລະ ບັດປະຈຳຕົວປະຊາຊົນລາວແບບເກົ່າ ( ບັດສີຂາວ ) ມີດັ່ງນີ້:

ມາດຕາ 1: ລົບລ້າງເຄື່ອງພິມບັດປະຈຳຕົວ ແລະ ການນໍາໃຊ້ບັດປະຈຳຕົວປະຊາຊົນລາວແບບເກົ່າ ( ບັດສີຂາວ ) ທີ່ກອງບັນຊາການ ປກສ ນະຄອນຫຼວງວຽງຈັນ, ບັນດາກອງບັນຊາການ ປກສ ແຂວງ ໃນຂອບເຂດ ທົ່ວປະເທດໄດ້ຜະລິດອອກບໍລິການຮັບໃຊ້ປະຊາຊົນໃນໄລຍະຜ່ານມາ.

ມາດຕາ 2: ໃຫ້ຫັນມານໍາໃຊ້ເຄື່ອງຜະລິບັດ ແລະ ບັດປະຈຳບັດປະຈຳຕົວປະຊາຊົນລາວແບບໃໝ່ (ບັດສີຂຽວ), ເພື່ອກ້າວເຂົ້າສູ່ລະບົບດີຈີຕອນ ທີ່ມີການຄຸ້ມຄອງລະບົບຖານຂໍ້ມູນດຽວຢູ່ຂັ້ນສູນກາງ ກົມຄຸ້ມຄອງ ສໍາມະໂນຄົວ ແລະ ກໍ່ສ້າງຮາກຖານ.

ມາດຕາ 3: ຫ້າມບັນດາຜູ້ປະກອບການ, ບໍລິສັດ, ຫ້າງຮ້ານ ສະໜອງອຸປະກອນເຄື່ອງພິມບັດ ແລະ ແຜ່ນ ບັດປະຈໍາຕົວແບບເກົ່າ ໃຫ້ກອງບັນຊາການ ປກສ ນະຄອນຫຼວງວຽງຈັນ, ບັນດາກອງບັນຊາການ ປກສ ແຂວງໃນຂອບເຂດທົ່ວປະເທດ.

ມາດຕາ 4: ກົມກອງອ້ອມຂ້າງກະຊວງປ້ອງກັນ ຄວາມສະຫງົບ, ກອງບັນຊາການ ປກສ ນະຄອນຫຼວງວຽງຈັນ, ກອງບັນຊາການ ປກສ ແຂວງໃນຄຂອບເຂດທົ່ວປະເທດ, ຜູ້ປະກອບການ, ບໍລິສັດຫ້າງຮ້ານ ແລະ ພາກສ່ວນທີ່ກ່ຽວຂ້ອງ ຈົ່ງຮັບຮູ້ພ້ອມກັນຈັດຕັ້ງປະຕິບັດຢ່າງເຂັ້ມງວດ.