ສະພາແຫ່ງຊາດໃນຖານະທີ່ເປັນອົງການຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າສະເພາະ
ໃນ 6 ເດືອນທ້າຍປີນີ້ໄດ້ຮັບຄຳຮ້ອງຂໍຄວາມເປັນທຳຈາກປະຊາຊົນຈຳນວນ ທັງຫມົດ 3 ຮ້ອຍກວ່າເລື່ອງ ໃນນີ້ໄດ້
ແກ້ໄຂແລ້ວ 2 ຮ້ອຍກວ່າເລື່ອງ ພ້ອມດຽວກັນນັ້ນ ກໍໄດ້ພິຈາລະນາ ແລະ ຮັບຮອງເອົາບັນຫາຕ່າງໆສຳຄັນຂອງຊາດ.
ໃນກອງປະຊຸມສະພາວັນທີ 16 ທັນ ວາ 2014 ທ່ານ ດຣ. ໄຊສົມພອນ ພົມວິ ຫານ ຮອງປະທານສະພາແຫ່ງຊາດ ລາຍ
ງານໃຫ້ຮູ້ວ່າ: ໃນໄລຍະ 6 ເດືອນ ຜ່ານມາຄະນະປະຈຳສະພາແຫ່ງຊາດ ໄດ້ເປີດກອງປະຊຸມທັງໝົດ 5 ຄັ້ງ, ໄດ້ພິຈາລະ
ນາ ແລະ ຮັບຮອງເອົາຫຼາຍບັນ ຫາສຳຄັນເປັນຕົ້ນ: ພິຈາລະນາ ແລະ ຮັບຮອງເອົາການຍົກຍ້າຍ ແລະ ແຕ່ງຕັ້ງສະມາ
ຊິກລັດຖະບານຕາມການສະເໜີ ຂອງທ່ານນາຍົກລັດຖະມົນຕີ; ພິຈາລະນາ ແລະ ໃຫ້ທິດຊີ້ນຳກ່ຽວກັບການປັບປຸງ
ເນື້ອໃນຂອງລັດຖະທຳມະນູນ, ສ້າງ ເງື່ອນໄຂອຳນວຍຄວາມສະດວກໃຫ້ ແກ່ການຈັດຕັ້ງກອງປະຊຸມສຳມະນາວິທະ
ຍາສາດ ເພື່ອທາບທາມຄວາມເຫັນຂອງສັງຄົມຢູ່ສູນກາງ ແລະ ທ້ອງຖິ່ນ.
ພ້ອມດຽວກັນນັ້ນກໍໄດ້ພິຈາລະນາຕົກລົງໃຫ້ສັດຕະຍະບັນແກ່ ສັນຍາວ່າດ້ວຍການຫຼີກເວັ້ນການເກັບອາກອນຊ້ຳ
ຊ້ອນ ແລະ ສະກັດກັ້ນການລົບຫຼີກການເສຍອາກອນລາຍໄດ້ລະຫວ່າງລັດຖະບານແຫ່ງ ສປປ ລາວ ແລະ ສ. ອິນໂດ
ເນເຊຍ; ພິຈາລະນາ ແລະ ຕົກລົງຮັບຮອງເອົາການກໍ່ສ້າງເຂື່ອນໄຟຟ້າຈຳນວນໜຶ່ງ.
ພິຈາລະນາຕົກລົງໃຫ້ສັນຊາດລາວ ແກ່ຊາວຕ່າງດ້າວຈຳນວນ 19 ຄົນ, ຍິງ 8 ຄົນ, ພິຈາລະນາຕົກລົງໃຫ້ອະໄພຍະ
ໂທດແກ່ນັກໂທດທີ່ກ້າວໜ້າທັງໝົດ 938 ຄົນ, ຍິງ 198 ຄົນ, ໃນນີ້ຄົນຕ່າງປະເທດ 21 ຄົນ, ຍິງ 2 ຄົນ ແລະ ໄດ້ແກ້
ໄຂຮ້ອງຂໍຄວາມເປັນທຳ 232 ເລື່ອງຂອງ ຈຳນວນທັງໝົດທີ່ໄດ້ຮັບ 317 ເລື່ອງ, ນອກຈາກນັ້ນທ່ານ ດຣ. ໄຊສົມພອນ
ພົມວິຫານ ກ່າວຕື່ມວ່າ: ຍັງໄດ້ພິຈາລະນາຮັບຮອງເອົາຜົນການສ້າງ ແລະ ປັບປຸງກົດໝາຍທີ່ກອງປະຊຸມສະໄໝສາ
ມັນເທື່ອທີ 7 ຂອງສະພາແຫ່ງຊາດຊຸດທີ 7 ໄດ້ຮັບຮອງເອົາ, ຊີ້ນຳຊຸກຍູ້ຕິດຕາມກວດກາການກະກຽມ ແລະ ດຳເນີນ
ກອງປະຊຸມສະມັດຊາລັດຖະສະພາລະຫວ່າງຊາດອາຊຽນຄັ້ງທີ 35 ແລະ ກອງປະຊຸມອື່ນທີ່ປິ່ນອ້ອມ ຊຶ່ງ ສປປ ລາວ
ໄດ້ຮັບກຽດເປັນເຈົ້າພາບ, ພິຈາລະນາຕົກລົງ ແລະ ຕິດຕາມຊຸກຍູ້ການກະກຽມແກ່ການດຳເນີນກອງປະຊຸມສະໄໝ
ສາມັນ ເທື່ອທີ 8 ຂອງສະພາແຫ່ງຊາດຊຸດທີ 7, ພິຈາລະນາຮັບຮອງເອົາການແຕ່ງຕັ້ງຮອງປະທານສານພາກ, ຮອງ
ປະທານສານແຂວງ, ຜູ້ພິພາກສາ ແລະ ພິຈາລະນາຮັບຮອງບັນຫາສຳຄັນຕ່າງໆທີ່ພົວພັນເຖິງວຽກງານພາຍໃນສະ
ພາແຫ່ງຊາດ.
ແຫລ່ງຂ່າວ: ເສດຖະກິດ – ສັງຄົມ