ນະຄອນຫຼວງວຽງຈັນ ສປປລາວ ວັນທີ 27 ກັນຍາ 2024 ກອງປະຊຸມທຸລະກິດພະລັງງານອາຊຽນ 2024 ເຊິ່ງຈັດໂດຍກະຊວງພະລັງງານ ແລະ ບໍ່ແຮ່ ສ.ປ.ປ. ລາວ ແລະ ຈັດໂດຍສູນພະລັງງານອາຊຽນ (ACE) ຮ່ວມກັບ Dyandra Promosindo ໄດ້ສໍາເລັດລົງເປັນທີ່ຮຽບຮ້ອຍ. ໂດຍເປັນບາດກ້າວສໍາຄັນໃນການພັດທະນາການຮ່ວມມືລະດັບພາກພື້ນ ເພື່ອເສີມສ້າງຄວາມໝັ້ນຄົງທາງດ້ານພະລັງງານ, ການເຂົ້າເຖິງພະລັງງານ, ຄວາມສາມາດໃນການຈ່າຍ ແລະ ຄວາມຍືນຍົງໃນພາກພື້ນ ກອງປະຊຸມ 3 ມື້ນີ້, ຈັດຄວບຄູ່ກັບການປະຊຸມລັດຖະມົນຕີພະລັງງານອາຊຽນຄັ້ງທີ42 (AMEM-42) ແລະ ການປະຊຸມທີ່ກ່ຽວຂ້ອງ ການນຳພາລັດຖະມົນຕີດ້ານພະລັງງານ, ຜູ້ນຳໃນອຸດສະຫະກຳ, ນັກວິຊາການ ແລະ ຜູ້ຊ່ຽວຊຽນຈາກທົ່ວທັງອາຊຽນ ແລະ ຕ່າງປະເທດ. ມາຮ່ວມປຶກສາຫາລືກ່ຽວກັບແນວທາງພະລັງງານທີ່ຍືນຍົງສຳລັບອະນາຄົດຂອງພາກພື້ນ.
ໃນພິທີເປີດງານ, Dr. Soukvisan Khinsamone, ຮອງຫົວໜ້າກົມແຜນການ ແລະ ການຮ່ວມມື ກະຊວງພະລັງງານ ແລະ ບໍ່ແຮ່, ສ.ປ.ປ. ລາວ, ໄດ້ກ່າວຕ້ອນຮັບຜູ້ເຂົ້າຮ່ວມປະຊຸມໂດຍລະບຸວ່າ “ພາຍໃຕ້ການເປັນປະທານອາຊຽນຂອງ ສ.ປ.ປ.ລາວ ເຮົາພູມໃຈທີ່ໄດ້ສະໜັບສະໜຸນແນວຄິດອາຊຽນ: ເສີມສ້າງການເຊື່ອມຕໍ່ ແລະ ຄວາມຢືດຢຸ່ນ ເຊິ່ງສະທ້ອນເຖິງຄວາມມຸ່ງໝັ້ນຮ່ວມກັນໃນການສ້າງຄວາມໝັ້ນຄົງທາງດ້ານພະລັງງານ ແລະ ການປ່ຽນແປງກ້າວໄປສູ່ແຫຼ່ງພະລັງງານສີຂຽວ ແລະ ຍືນຍົງ” ທ່ານຍັງໄດ້ກະຕຸ້ນໃຫ້ຜູ້ເຂົ້າຮ່ວມມີສ່ວນຮ່ວມຢ່າງກະຕືລືລົ້ນໃນການສົນທະນາແບ່ງປັນແນວທາງປະຕິບັດທີ່ດີ ແລະ ສ້າງຄວາມສຳພັນທີ່ຍືນຍົງ.
ຫຼັງຈາກກ່າວຄໍາເປີດງານແລ້ວ.
ຫຼັງຈາກກ່າວຄໍາເປີດງານແລ້ວ.
Dr. Andy Tirta, Head of Corporate Affairs ທີ່ ACE ແລະ ປະທານສະມາຄົມກອງປະຊຸມ AEBF-2024, ໄດ້ເນັ້ນຍ້ຳເຖິງຄວາມສຳຄັນຂອງກອງປະຊຸມນີ້ວ່າ “ທຸລະກິດພະລັງງານອາຊຽນຄັ້ງທີ 24 ຖືເປັນບາດກ້າວສຳຄັນໃນຄວາມພະຍາຍາມຢ່າງຕໍ່ເນື່ອງຂອງເຮົາໃນການເສີມສ້າງຄວາມຮ່ວມມືລະດັບພາກພື້ນໃນພາກພະລັງງານ ກອງປະຊຸມນີ້ມີບົດບາດສຳຄັນໃນການຊຸກຍູ້ການດຳເນີນການເສີມສ້າງຄວາມຮ່ວມມືລະດັບພາກພື້ນໃນພາກພະລັງງານ ແລະ ມີບົດບາດສຳຄັນໃນການຊຸກຍູ້ດຳເນີນງານໃນແຜນປະຕິບັດການຄວາມຮ່ວມມືດ້ານພະລັງງານອາຊຽນ (APAEC) ໄລຍະທີ2: 2021-2025″ ຕະຫຼອດໄລຍະການຈັດງານ ກໍມີກິດຈະກໍາສໍາຄັນຫຼາຍຢ່າງເກີດຂຶ້ນ, ໂດຍໜຶ່ງໃນໄຮໄລ້ຫຼັກຄືການເປີດຕົວ ລາຍງານແນວໂນ້ມພະລັງງານອາຊຽນສະບັບທີ8 (AEO8), ເຊິ່ງນຳສະເໜີການວິເຄາະເຊີງເລິກກ່ຽວກັບພາບລວມຂອງພະລັງງານພາກພື້ນ ແລະ ຄາດການໃນອະນາຄົດພະລັງງານຂອງອາຊຽນຈົນເຖິງປີ 2050.
Beni Suryadi, ຜູ້ຈັດການຝ່າຍພະລັງງານໄຟຟ້າ, ເຊື້ອໄຟຟອດຊິວ, ພະລັງງານທາງເລືອກ ແລະ ການຈັດເກັບພະລັງງານ (PFS) ຂອງສູນພະລັງງານອາຊຽນທີ່ ACE ໄດ້ເນັ້ນຍ້ຳເຖິງຄວາມສຳຄັນຂອງ AEO8, ໂດຍກ່າວວ່າ ລາຍງານ AEO8 ເປັນເຄື່ອງມືສຳຄັນໃນການນຳທາງປ່ຽນແປງຜ່ານພະລັງງານຂອງອາຊຽນ ໂດຍໃຫ້ຂໍ້ມູນເຊີງເລິກ ທີ່ມີຫຼັກຖານຮອງຮັບ ເຊິ່ງສາມາດຊ່ວຍໃຫ້ພາກພື້ນນີ້ຮັບມືກັບຄວາມສັບຊ້ອນໃນການສ້າງສົມດຸນລະຫວ່າງຄວາມໝັ້ນຄົງຂອງພະລັງງານຄວາມສາມາດໃນການຈ່າຍ ແລະ ຄວາມຍືນຍົງ ທ່າມການຄວາມຕ້ອງການພະລັງງານທີ່ດີຂຶ້ນ. ນອກຈາກນີ້ທ່ານຍັງເນັ້ນວ່າ AEO8 ສອດຄ່ອງກັບວິໄສທັດຂອງອາຊຽນໃນການສ້າງຄວາມຍືດຢຸ່ນດ້ານພະລັງງານ ແລະ ການພັດທະນາ Low-Carbon.
ການປະຊຸມວິຊາການນານາຊາດດ້ານພະລັງງານ ແລະ ສິ່ງແວດລ້ອມອາຊຽນຄັ້ງທີ4 (4th AICEE) ຈັດຂຶ້ນພ້ອມກັບກອງປະຊຸມທຸລະກິດພະລັງງານອາຊຽນຄັ້ງທີ24 ໂດຍການປະຊຸມນີ້ມຸ່ງເນັ້ນຄວາມຮ່ວມມືແບບສາຂາວິຊາ ໂດຍມີການປຶກສາຫາລືກ່ຽວກັບການປ່ຽນຜ່ານພະລັງງານ, ການເຊື່ອມຕໍ່ຕາຂ່າຍໄຟຟ້າ, ການຕັ້ງລາຄາ Carbon ແລະ ຈຸດຕັດກັນຂອງພະລັງງານ ແລະ ເທັກໂນໂລຍີດີຈິຕອລ.
Dr.Zulfikar Yurnaidi ຫົວໜ້າຝ່າຍການວາງແຜນນະໂຍບາຍ ແລະ ການສ້າງແບບຈຳລອງພະລັງງານໄຟຟ້າ MMP ທີ່ ACE ແລະ ເປັນປະທານການປະຊຸມ ໄດ້ເນັ້ນຍ້ຳເຖິງບົດບາດຂອງ AICEE ໃນການສົ່ງເສີມຄວາມຍືດຢຸ່ນໃນລະດັບພາກພື້ນ, ໂດຍກ່າວໄວ້ວ່າ AICEE ຄັ້ງທີ4 ຈະເປັນເວທີສົ່ງເສີມການມີສ່ວນຮ່ວມລະຫວ່າງພາກສ່ວນຕ່າງໆ ຜູ້ກຳນົດນະໂຍບາຍ, ນັກວິຊາການ ແລະ ພາກທຸລະກິດ ເພື່ອສົ່ງເສີມການດຳເນີນການ ຕາມ APAEC ໄລຍະທີ2.
Dr.Zulfikar Yurnaidi ຫົວໜ້າຝ່າຍການວາງແຜນນະໂຍບາຍ ແລະ ການສ້າງແບບຈຳລອງພະລັງງານໄຟຟ້າ MMP ທີ່ ACE ແລະ ເປັນປະທານການປະຊຸມ ໄດ້ເນັ້ນຍ້ຳເຖິງບົດບາດຂອງ AICEE ໃນການສົ່ງເສີມຄວາມຍືດຢຸ່ນໃນລະດັບພາກພື້ນ, ໂດຍກ່າວໄວ້ວ່າ AICEE ຄັ້ງທີ4 ຈະເປັນເວທີສົ່ງເສີມການມີສ່ວນຮ່ວມລະຫວ່າງພາກສ່ວນຕ່າງໆ ຜູ້ກຳນົດນະໂຍບາຍ, ນັກວິຊາການ ແລະ ພາກທຸລະກິດ ເພື່ອສົ່ງເສີມການດຳເນີນການ ຕາມ APAEC ໄລຍະທີ2.
ນອກຈາກການປະຊຸມແລ້ວ, AEBF – 24 ຍັງມີການລົງນາມບັນທຶກຄວາມເຂົ້າໃຈ (MoU) ລະຫວ່າງສູນພະລັງງານອາຊຽນ ACE ແລະ ບໍລິສັດ Huawei Technology ເພື່ອສົ່ງເສີມໂຄງການພະລັງງານໝູນວຽນໃນອາຊຽນ,ຂໍ້ຕົກລົງທີ່ເນັ້ນເຖິງການພັດທະນາເທັກໂນໂລຢີ Photovoltaic (PV) ແລະ ເສີມສ້າງຄວາມໝັ້ນຄົງດ້ານພະລັງງານໃນພາກພື້ນໂດຍບັນທຶກຄວາມເຂົ້າໃຈນີ້ຈະຊ່ວຍນຳທາງສູ່ຄວາມຮ່ວມມືດ້ານການວິໄຈ ແລະ ໂຄງການພັດທະນາສັກກະຍາພາບ ເພື່ອຂັບເຄື່ອນເປົ້າໝາຍການປ່ຽນຜ່ານພະລັງງານຂອງອາຊຽນ. ນອກຈາກນີ້, ສູນພະລັງງານອາຊຽນ ACE ຍັງໄດ້ລົງນາມບັນທຶກຄວາມເຂົ້າໃຈ (MoU) ກັບມະຫາວິທະຍາໄລແຫ່ງຊາດ(NUOL), ໂດຍເນັ້ນການສົ່ງເສີມວິໄຈ ແລະ ພັດທະນາ (R&D) ໃນພາກພະລັງງານຂອງອາຊຽນ. ACE ຍັງໄດ້ລົງນາມ MoU ກັບອົງການສົ່ງເສີມການຄ້າຕ່າງປະເທດຂອງຢີ່ປຸ່ນ (JETRO) ເຊິ່ງກຳນົດຂອບເຂດການເຮັດວຽກຮ່ວມກັນໃນການສົ່ງເສີມເທັກໂນໂລຢີພະລັງງານສະອາດແລະ ການສະໜັບສະໜຸນຄວາມຮ່ວມມືທາງທຸລະກິດລະຫວ່າງອຸດສະຫະກຳອາຊຽນ ແລະ ຢີ່ປຸ່ນ, ເພື່ອເລັ່ງການດຳເນີນການຕາມແຜນປະຕິບັດການ APAEC. ນອກຈາກນີ້, ACE ຍັງໄດ້ປະກາດການອະນຸມັດເງິນສະໜັບສະໜຸນດ້ານຄວາມຊ່ວຍເຫຼືອທາງເຕັກນິກຈຳນວນ 5 ລ້ານໂດລາຈາກທະນາຄານໂລກ ເພື່ອສະໜັບສະໜຸນໂຄງການເຊື່ອມໂຍງຕາຂ່າຍໄຟຟ້າອາຊຽນ (APG) ເຊິ່ງຊ່ວຍສົ່ງເສີມການເຊື່ອມຕໍໍ່ ແລະຄວາມຍືດຢຸ່ນໃນພາກພື້ນອາຊຽນຕາເວັນອອກສ່ຽງໃຕ້ອີກດ້ວຍ.
ເມື່ອກອງປະຊຸມນີ້ສິ້ນສຸດລົງ, ຜູ້ເຂົ້າຮ່ວມໄດ້ສະທ້ອນເຖິງຄວາມກ້າວໜ້າ ແລະ ຄວາມຮ່ວມມືໃນການແກ້ໄຂປັນຫາພະລັງງານຂອງພາກພື້ນ,ງານ 3 ມື້ທີ່ຈັດຂຶ້ນໄດ້ສະແດງເທັກໂນໂລຢີ ແລະ ນະວັດຕະກໍາລໍ້າສະໄໝທົ່ວພາກພື້ນ, ໃຫ້ໂອກາດທຸລະກິດ ແລະ ຜູ້ສ້າງສັນໄດ້ນຳສະເໜີຄວາມກ້າວໜ້າຂອງຕົນຕໍ່ຜູ້ກຳນົດນະໂຍບາຍ ແລະ ຜູ້ນຳອຸດສະຫະກຳ, ການອະພິປາຍຕະຫຼອດກອງປະຊຸມເນັ້ນຍ້ຳເຖິງຄວາມສຳຄັນຂອງໂຄງການຕ່າງໆເຊັ່ນ: ໂຄງການເຊື່ອມໂຍງຕາຂ່າຍໄຟຟ້າອາຊຽນ APG ການດັັກຈັບ ແລະ ກັກເກັບ Carbon (CCUS), ການປ່ຽນຜ່ານພະລັງງານທີ່ຍຸດຕິທໍາ ແລະ ຄອບຄຸມ ການລົງທຶນໃນພະລັງງານ ແລະ ການບູລະນະພະລັງງານໝຸນວຽນໃນພາກພື້ນ.ມື້ສຸດທ້າຍຂອງກອງປະຊຸມທຸລະກິດພະລັງງານອາຊຽນຄັ້ງທີ24 (AEBF-24) ປິດສາກດ້ວຍງານລ້ຽງຮັບປະທານອາຫານຄ່ຳ ແລະ ພິທີມອບລາງວັນພະລັງງານອາຊຽນ (ASEAN Energy Award-AEA) ລາງວັນ AEA ຖືເປັນກຽດສູງສຸດ, ໂດຍໃຫ້ການຍົກຍ້ອງຜູ້ທີ່ມີຜົນງານໂດດເດັ່ນໃນພາກພະລັງງານທົ່ວພາກພື້ນອາຊຽນ,ໃນປີນີ້ມີຜູ້ເຂົ້າຮ່ວມສູງສຸດ 52 ຄົນທີ່ໄດ້ຮັບເລືອກເປັນຜູ້ຊະນະໂດຍໄດ້ຮັບຖ້ວຍລາງວັນແລະ ການຍອມຮັບຢ່າງຍິ່ງໃຫຍ່ໃນລະຫວ່າງພິທີມອບ.
ການປິດສາກຢ່າງສໍາເລັດຂອງກອງປະຊຸມທຸລະກິດພະລັງງານອາຊຽນຄັ້ງທີ24 (AEBF-24)ເຊິ່ງໄດ້ຮັບການສະໜັບສະໜຸນຈາກຜູ້ສະໜັບສະໜຸນຫຼັກເຊັ່ນ: Graphion Sarawak Energy ແລະ ພັນທະມິດດ້ານຄວາມຮູ້ຢ່າງ Boston Consulting Group (BCG) ສະທ້ອນເຖິງຄວາມມຸ່ງໝັ້ນຢ່າງຕໍ່ເນື່ອງຂອງອາຊຽນໃນການສົ່ງເສີມຄວາມໝັ້ນຄົງ ແລະ ຄວາມຍືດຢຸ່ນທາງພະລັງງານທົ່ວທັງພາກພື້ນ.
3 ບົດບາດສໍາຄັນຂອງສູນພະລັງງານອາຊຽນ (ACE): ເຮັດໜ້າທີ່ເປັນຕົວເລັ່ງໃຫ້ເກີດການລວມຕົວ ແລະ ເສີມສ້າງຄວາມຮ່ວມມືດ້ານພະລັງງານໃນອາຊຽນ ໂດຍການດຳເນີນໂຄງການພັດທະນາສັກກະຍະພາບ ແລະ ໂຄງສ້າງຕ່າງໆ, ເພື່ອສະໜັບສະໜຸນປະເທດໃນສະມາຊິກອາຊຽນໃນການພັດທະນາພາກພະລັງງານຂອງຕົນ.
- ເຮັດໜ້າທີ່ເປັນສູນຂໍ້ມູນ ແລະ ຄັງຄວາມຮູ້ດ້ານພະລັງງານອາຊຽນ, ເພື່ອຈັດເກັບຂໍ້ມູນ ແລະເຜີຍແຜ່ຄວາມຮູ້ໃຫ້ແກ່ປະເທດສະມາຊິກ.
- ເຮັດໜ້າທີ່ເປັນຄັງສະໝອງດ້ານພະລັັງງານຂອງອາຊຽນ, ໂດຍຊ່ວຍປະເທດສະມາຊິກຄົ້ນຫາ ແລະສະເໜີແນວທາງແກ້ໄຂທີ່ເປັນນະວັດຕະກຳໃໝ່ໆ ເພື່ອແກ້ໄຂບັນຫາດ້ານນະໂຍບາຍ, ກົດໝາຍ, ໂຄງສ້າງຂໍ້ບັງຄັບ ແລະ ເທັກໂນໂລຢີໃນພາກພະລັງງານໃນອາຊຽນ.
- ການຮັກສາຄວາມກ້າວໜ້າຂອງພາກພື້ນທີ່ຍືນຍົງ ແລະ ບໍ່ເປັນອັນຕະລາຍຕໍ່ລະບົບນິເວດເປັນເລື່ອງສຳຄັນພື້ນຖານຂອງພາກພະລັງງານອາຊຽນ,ໂດຍມີສໍານັກງານຂອງສູນພະລັງງານອາຊຽນ (ACE) ຕັ້ງຢູ່ທີ່ກຸງຈາກາຕາ, ອິນໂດເນເຊຍ ພາຍໃຕ້ການດູແລຂອງກະຊວງພະລັງງານ ແລະ ຊັບພະຍາກອນບໍ່ແຮ່ຂອງອິນໂດເນເຊຍ.