ພິທີປະກາດການຈັດຕັ້ງ ແລະ ມອບ-ຮັບໜ້າທີ່ ປະທານສານປະຊາຊົນ ແຂວງຄຳມ່ວນ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 11 ຕຸລາ 2024 ຢູ່ທີ່ເຮືອນຮັບແຂກ ເລກ 1 ແຂວງຄຳມ່ວນ ໂດຍເປັນກຽດເຂົ້າຮ່ວມເປັນປະທານຂອງທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ປະທານສານປະຊາຊົນສູງສຸດ, ມີທ່ານ ວັນໄຊ ພອງສະຫວັນ ກຳມະການສູນກາງພັກ, ເລຂາພັກແຂວງ, ເຈົ້າແຂວງຄຳມ່ວນ, ມີບັນດາທ່ານຕາງໜ້າຈາກພະແນກການອ້ອມຂ້າງແຂວງ, ຂະແໜງການທີ່ກ່ຽວຂ້ອງ ຕະຫຼອດຮອດພະນັກງານລັດຖະກອນ ສານປະຊາຊົນ ປະຈຳແຂວງ, ສານປະຊາຊົນປະຈຳເຂດເຂົ້າຮ່ວມ.
ທ່ານ ພິມພອນ ສຸລິວົງສາ ປະທານສານປະຊາຊົນແຂວງຄຳມ່ວນ ໄດ້ລາຍງານຜົນການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ຂອງສານປະຊາຊົນແຂວງ ໃນໄລຍະທີ່ຜ່ານມາ ເຊິ່ງໄດ້ຍົກໃຫ້ເຫັນຜົນງານການເຄື່ອນໄຫວໃນດ້ານດີ, ດ້ານອ່ອນ ແລະ ຂໍ້ຄົງຄ້າງ, ຈາກນັ້ນໄດ້ຕົກລົງແຕ່ງຕັ້ງ ທ່ານ ທອງເພັດ ຜຸຍຍະວົງ ຜູ້ພິພາກສາ ຊັ້ນສີ່ ສານປະຊາຊົນສູງສຸດ ເປັນປະທານສານປະຊາຊົນ ແຂວງຄຳມ່ວນ.
ຂ່າວ: Khammouane News