ວັນທີ 11 ຕຸລາ 2024 ທີ່ສະໜາມກິລາຫຼັກ 4 ແຂວງສະຫວັນນະເຂດ ຈັດພິທີທຳລາຍຢາເສບຕິດ ໃນໂອກາດວັນແຫ່ງ ຊາດຕ້ານຢາເສບຕິດ ວັນທີ 12 ຕຸລາ ຄົບຮອບ 23 ປີ, ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ເລຂາພັກແຂວງ ເຈົ້າແຂວງ ສະຫວັນນະເຂດ.
ໃນພິທີຍັງໄດ້ມີການຈູດທຳລາຍຢາເສບຕິດທີ່ຖຶກສານຕັດ ສິນຄະດີແລ້ວ ລວມມີ: ຢາບ້າຈຳນວນ 252,594 ເມັດ ,ນ້ຳໜັກ 36 ກິໂລກຣາມ 227,93 ກຣາມ, ເຮໂຣອິນຈຳນວນ 1 ແທ່ງນ້ຳໜັກ 369.042 ກຣາມ, ຢາໄອ 2 ຖົງໃຫ່ຍ 2 ຖົງກາງ 25 ຖົງນ້ອຍ, ນ້ຳໜັກ 2 ກິໂລກຣາມ 85,743 ກຣາມ, ຢາອີຈຳນວນ 92 ເມັດນ້ຳໜັກ 39.914 ກຣາມ, ຄັນຊາແຫ້ງຈຳນວນ 606 ແທ່ງ10 ໂຄ້ນ ນ້ຳໜັກ 640 ກິໂລກຣາມ 650 ກຣາມ ແລະ ຢາສູບໄຟຟ້າ ຈຳນວນ 20 ອັນ.
ຂ່າວ: ວສລ