spot_img
Homeແຈ້ງການຫ້າມນໍາໃຊ້ໂດຣນບິນ ເພື່ອຖ່າຍພາບ ແລະ ຖ່າຍວີດີໂອ ຫຼື ກິດຈະກໍາອື່ນໆ ໃນໄລຍະດໍາເນີນ ກອງປະຊຸມສຸດຍອດ ອາຊຽນ ຄັ້ງທີ 44,45.

ຫ້າມນໍາໃຊ້ໂດຣນບິນ ເພື່ອຖ່າຍພາບ ແລະ ຖ່າຍວີດີໂອ ຫຼື ກິດຈະກໍາອື່ນໆ ໃນໄລຍະດໍາເນີນ ກອງປະຊຸມສຸດຍອດ ອາຊຽນ ຄັ້ງທີ 44,45.

Published on

ກະຊວງປ້ອງກັນຄວາມສະຫງົບອອກແຈ້ງການກ່ຽວກັບການຫ້າມນໍາໃຊ້ໂດຣນບິນ ເພື່ອຖ່າຍພາບ ແລະ ຖ່າຍວີດີໂອ ຫຼື ກິດຈະກໍາອື່ນໆ ໃນໄລຍະດໍາເນີນ ກອງປະຊຸມສຸດຍອດ ອາຊຽນ ຄັ້ງທີ 44,45.

 

ຫ້ອງວ່າການກະຊວງປ້ອງກັນຄວາມສະຫງົບ ຂໍຖືເປັນກຽດແຈ້ງມາຍັງທ່ານລະອຽດດັ່ງນີ້: ໃນລະຫວ່າງວັນທີ 01- 12 ຕຸລາ 2024 ສປປ ລາວ ຈະໄດ້ຮັບກຽດເປັນເຈົ້າພາບ ຈັດກອງປະຊຸມສຸດຍອດອາຊຽນ ຄັ້ງທີ 44,45, ເຊິ່ງຈະມີປະມຸກລັດ, ຫົວຫນ້າລັດຖະບານຂອງບັນດາປະເທດອາຊຽນ, ປະເທດຄູ່ເຈລະຈາ ແລະ ແຂກຂັ້ນສູງຕ່າງປະເທດ ເຂົ້າຮ່ວມກອງປະຊຸມ ເພື່ອຮັບປະກັນໃຫ້ກອງປະຊຸມດັ່ງກ່າວມີຄວາມປອດໄພສູງສຸດ.

1. ຫ້າມນໍາໃຊ້ໂດຣນບິນຖ່າຍພາບ, ບິນໂດຣນເພື່ອສໍາຫຼວດ, ບິນໂດຣນເພື່ອກິດຈະກໍາ ແລະ ອື່ນໆ, ໃນລະຫວ່າງ ວັນທີ 01-12 ຕຸລາ 2024 ໃນຂອບເຂດ 09 ຕົວເມືອງ, ໃນນະຄອນຫຼວງວຽງຈັນ ຢ່າງເດັດຂາດ.

2. ຖ້າກໍລະນີຈໍາເປັນ ຕ້ອງໄດ້ນໍາໃຊ້ໂດຣນ ໃຫ້ເຮັດຫນັງສືສະເຫນີ ເຖິງຫ້ອງວ່າການກະຊວງປ້ອງກັນປະເທດ-ຫ້ອງ ວ່າການປ້ອງກັນຄວາມສະຫງົບ ເພື່ອຮັບຊາບ ແລະ ເພື່ອລາຍງານຂໍທິດຊີ້ນໍາຈາກຂັ້ນເທິງ.

3. ກໍລະນີທີ ່ກະຊວງປ້ອງກັນປະເທດ-ກະຊວງປ້ອງກັນຄວາມສະຫງົບ ໄດ້ອະນຸຍາດໃຫ້ນໍາໃຊ້ໂດຣນໃນໄລຍະກ່ອນ ຖືວ່າໃຫ້ຢຸດໂຈະຊົ່ວຄາວໃນໄລຍະວັນທີ 01-12 ຕຸລາ 2024.

4. ກໍລະນີບຸກຄົນ, ນິຕິບຸກຄົນ ຫຼື ການຈັດຕັ້ງ ຫາກຍັງບໍ່ປະຕິບັດຕາມແຈ້ງການສະບັບນີ້ ເຈົ້າຫນ້າທີ່ກວດກາພົບ ເຫັນຈະທໍາລາຍໂດຣນດັ່ງກ່າວ ພ້ອມທັງດໍາເນີນຄະດີ ຕາມລະບຽບກົດຫມາຍ.

5. ໃຫ້ບັນດາຫ້ອງການກະຊວງ, ອົງການທຽບເທົ່າ, ສູນກາງແນວລາວສ້າງຊາດ, ອົງການຈັດຕັ້ງມະຫາຊົນຂັ້ນສູນກາງ, ຫ້ອງວ່າການນະຄອນຫຼວງວຽງຈັນ, ພະນັກງານລັດຖະກອນ, ທະຫານ-ຕໍາຫຼວດ, ຊາວຄ້າຂາຍປະຊາຊົນບັນດາເຜົ່າ, ຊາວຕ່າງດ້າວ ແລະ ຊາວຕ່າງປະເທດ ທີ່ອາໄສຢູ່ນະຄອນຫຼວງວຽງຈັນ ນໍາເອົາແຈ້ງການສະບັບນີ້ ໄປເຜີຍແຜ່ໃຫ້ ຮັບຊາບຢ່າງທົ່ວເຖິງ.
ດັ່ງນັ້ນ, ຈຶ່ງໄດ້ແຈ້ງມາເພື່ອຊາບ ແລະ ພ້ອມກັນຈັດຕັ້ງປະຕິບັດຕາມເນື້ອໃນຂ້າງເທິງຢ່າງເຂັ້ມງວດ.

ບົດຄວາມຫຼ້າສຸດ

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...