ສຳນັກຂ່າວໄທລາຍງານໃນວັນທີ 1 ຕຸລາ 2024 ນີ້ວ່າ: ເກີດເຫດໄຟໄໝ້ລົດເມທັດສະນະສຶກສາ ຂອງນັກຮຽນ ໂຮງຮຽນວັດເຂົາພະຍາ ຈັງຫວັດ ອຸໄທທານີ ກຳລັງເດີນທາງໄປ ພຣະນະຄອນສີອາຍຸດທະຍາ ກ່ອນເກີດເຫດຢາງໜ້າແຕກ ແລ້ວຕຳຂອບທາງຈົນໄຟລຸກ ຢູ່ໜ້າເຊຍຣັງສິດ ຫົນທາງວິພາວະດີ ໜ້າອານຸສອນສະຖານ ກຸງເທບມະຫານະຄອນ ປະເທດໄທ.
ຕາມການລາຍງານໄດ້ລະບຸວ່າ: ເຈົ້າໜ້າທີ່ພົບໄຟໄໝ້ລົດເມທັງຄັນກ່ອນເລັ່ງເຂົ້າການຊ່ວຍເຫຼືອເດັກນ້ອຍນັກຮຽນພາຍໃນລົດເມ ແລະ ໄດ້ຊີດນ້ຳເພື່ອບໍ່ໃຫ້ໄຟລຸກລາມ ໂດຍໃຊ້ເວລາຢູ່ດົນນານຈຶ່ງສາມາດຄວບຄຸມໄຟໄວ້ໄດ້ໃນທີ່ສຸດ.
ເຈົ້າໜ້າທີ່ລາຍງານເພີ່ມເຕີມວ່າ: ເບື້ອງຕົ້ນມີນັກຮຽນພາຍໃນລົດທັງໝົດ 44 ຄົນ, ຄູອາຈາກທັງໝົດ 9 ຄົນ ສາມາດລົງຈາກລົດໄດ້ 19 ຄົນ ປັດຈຸບັນທາງເຈົ້າໜ້າທີ່ຢູ່ລະຫວ່າງການຊ່ວຍເຫຼືອ ແລະ ກວດສອບອີກຄັ້ງ.
ແຫຼ່ງຂ່າວ: ຂ່າວສົດ