ພັທ ວຽງຄໍາ ຈັນທະວົງສາ ຫົວໜ້າກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ຕະຫຼອດໄລຍະ 9 ເດືອນຜ່ານມາ, ທົ່ວເມືອງໄຊທານີ ມີປະກົດການຫຍໍ້ທໍ້ເກີດຂຶ້ນເຖິງ 425 ເລື່ອງ ໃນນັ້ນບໍ່ລວມຄະດີຢາເສບຕິດ ແລະ ພົ້ນເດັ່ນຫຼາຍກວ່າໝູ່ແມ່ນ ບັນຫາລັກຊັບພົນລະເມືອງ ເຊິ່ງໄດ້ຮັບແຈ້ງ ຄວາມຫຼາບກວ່າ 300 ເລື່ອງ, ຮອງລົງມາແມ່ນ ຄະດີສໍ້ໂກງຊັບພົນລະເມືອງ ເກີດຂຶ້ນ 89 ເລື່ອງ ເມື່ອທຽບໃສ່ 9 ເດືອນປີ 2023 ຄະດີເພີ່ມຂຶ້ນ 113 ເລື່ອງ.
ໃນນັ້ນ, ເດັ່ນກວ່າໝູ່ແມ່ນ: ແຈ້ງຄວາມລັກຊັບພົນລະເມືອງ 318 ເລື່ອງ (ລັກລົດຈັກ 201 ເລື່ອງ) ສໍ້ໂກງຊັບພົນລະເມືອງ 89 ເລື່ອງ
ລັກພາຕົວຮຽກຄ່າໄຖ 10 ເລື່ອງ, ຄາດຕະກຳ 5 ເລື່ອງ, ປຸ້ນຊັບພົນລະເມືອງ 5 ເລື່ອງ, ຊີງຊັບພົນລະເມືອງ 4 ເລື່ອງ ແລະ ອື່ນໆອີກຈຳນວນໜຶ່ງ.
ຈາກບັນດາຄະດີດັ່ງກ່າວ ມີຜົນເສຍຫາຍເກີດຂຶ້ນ ຄື: ເງິນກີບ 1,421,000,000 ກີບ, ເງິນບາດ 429,500 ບາດ, ໂດລາ 37,500 ໂດລາ, ລົດຈັກ 201 ຄັນ, ລົດໃຫຍ່ 3 ຄັນ, ຄຳຮູບປະພັນ 94 ບາດ, ແຫວນເພັດຈຳນວນ 3 ວົງ, ສາຍຄໍເພັດ 1 ເສັ້ນ
ກີ້ສາຍຄໍເພັດ 1 ອັນ, ຕຸ້ມຫູເພັດ 1 ຄູ່, ຕູ້ເຊບ 2 ໜ່ວຍ, ໂທລະສັບ 28 ໜ່ວຍ, ໂນດບຸກ 3 ເຄື່ອງ ແລະ ອື່ນໆ ຈໍານວນໜຶ່ງ.
ພ້ອມນັ້ນ, ຍັງສາມາດແກ້ໄຂໄດ້ທັງໝົດ 217 ເລື່ອງ ກັກຕົວຜູ້ຖືກຫາ ຈໍານວນ 308 ຄົນ ຍິງ 42 ຄົນ ແລະ ຢຶດ-ເກັບກູ້ເຄື່ອງ ຂອງກາງໄດ້: ເງິນກີບ 68,570,000 ກີບ, ເງິນໂດລາ 301 ໂດລາ, ເງິນບາດ 10,650 ບາດ, ຄຳຮູບປະພັນນໍ້າໜັກ 12 ບາດ ກັບ 6 ສະຫຼຸຶງ, ລົດໃຫ່ຍ 5 ຄັນ, ລົດຈັກ 42 ຄັນ, ປືນສັ້ນ 8 ກະບອກ, ລູກປືນແວງ 41 ລູກ, ລູກປືນ 9 ມໍໆ 71 ລູກ ເເລະ ອື່ນໆ, ດັດແປງຍິງລູກແມ໋ກ 1 ກະບ໋ອກ, ໝາກແຕກ 1 ໜ່ວຍ, ກັບມື 1 ອັນ, ໂທລະສັບ 15 ໜ່ວຍ, ງ້າວ 3 ດວງ, ເຫຼັກຕານ່າງໝາກກອກ 5 ກໍ້ນ້ອຍ ເເລະ ອື່ນໆ
ຂ່າວ: ວສລ