ບໍລິເວນຄວາມກົດດັນສູງຂອງອາກາດເຢັນ ໄດ້ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມຕາເວັນອອກສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ ຍັງຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ໃນແຕ່ລະພາກ ແລະ ຈະໃນລະດັບປານກາງຢູ່ບາງທ້ອງຖິ່ນພ້ອມມີລົມ ພັດແຮງເປັນບາງໂອກາດ.

ພ້ອມດຽວກັນນີ້, ໃນເວລາ 7:00 ໂມງ ສະພາບລະດັບນໍ້າສາຂາ ເຊັ່ນ: ເຊບັ້ງໄຟ: ສະຖານີຂົວເຊ ແທກໄດ້ 19.06 ແມັດ, ລະດັບນໍ້າໄດ້ຂຶ້ນຮອດລະດັບນໍ້າຖ້ວມແລ້ວ (ລະດັບເຕືອນໄພ 17.50 ແມັດ; ລະດັບນໍ້າຖ້ວມ 18.50 ແມັດ), ສະຖານີ ຕົ້ນແຫນ ແທກໄດ້ 13.04 ແມັດ, (ລະດັບເຕືອນໄພ 13.50 ແມັດ; ລະດັບນໍ້າຖ້ວມ 14.50 ແມັດ) ແລະ ເຊຈໍາພອນ: ສະຖານີແກ້ງກອກ, ແທກໄດ້ 8.06 ແມັດ, ລະດັບນໍ້າໄດ້ຂຶ້ນຮອດລະດັບນ້ໍາຖ້ວມແລ້ວ (ລະດັບເຕືອນໄພ 7.50 ແມັດ; ລະດັບນໍ້າຖ້ວມ 8.00 ແມັດ).

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການການປົກຄອງທ້ອງຖິ່ນທຸກພາກສ່ວນທີ່ອາໄສຕາມແຄມແມ່ນໍ້າ ແລະ ເຂດຟື້ນທີ່ຕ່ຳ ເຊັ່ນວ່າ: ຕາມລໍານໍ້າ ເຊບັ້ງໄຟ, ເຊຈໍາພອນ, ຈົ່ງມີສະຕິລະວັງ ຕໍ່ສະພາບຝົນຕົກຕໍ່ເນື່ອງຫຼາຍວັນ ທີ່ອາດຈະເຮັດໃຫ້ເກີດນໍ້າຖ້ວມຍຶ່ງ, ນໍ້າຖ້ວມຂັງ ໃນໄລຍະ 1 ຫາ 2 ວັນຕໍ່ຫນ້ານີ້, ດັ່ງນັ້ນຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນໍ້າຈາກ ກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.