ໃນຕອນເຊົ້າວັນທີ 26 ກັນຍາ 2024, ອົງການກາແດງແຫ່ງຊາດລາວ,ອົງການອາຫານໂລກ, ກະຊວງແຮງງານ ແລະ ສະຫວັດດີການສັງຄົມ, ຄະນະນຳແຂວງຫຼວງນໍ້າທາ ແລະ ອົງການກາແດງແຂວງ ໄດ້ລົງແຈກຢາຍເຂົ້າສານຈ້າວໃຫ້ປະຊາຊົນທີ່ປະສົບໄພນໍ້າຖ້ວມ ໂດຍການເຂົ້າຮ່ວມຂອງທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ.
ການຊ່ວຍເຫຼືອເຂົ້າສຸກເສີນໃຫ້ແກ່ ພໍ່ແມ່ ປະຊາຊົນ 20 ບ້ານ ຂອງ ເມືອງນາແລ ແລະ ເມືອງ ຫຼວງນໍ້າທາ, ມີທັງໝົດ 2,909 ຄອບຄົວ, ປະຊາຊົນໄດ້ຮັບຜົນປະໂຫຍດ 14,343 ຄົນ, ຍິງ 6,979 ຄົນ.ໃນນັ້ນເມືອງນາແລ ມີ 4 ບ້ານ ແລະ ເມືອງຫຼວງນໍ້າທາ ມີ 16 ບ້ານ.
ເຊິ່ງເຂົ້າສານຈ້າວ ທີ່ນຳມາຊ່ວຍເຫຼືອຄັ້ງນີ້ ມີທັງໝົດ 100 ກວ່າໂຕນ ໄດ້ຈາກການຊ່ວຍເຫຼືອຂອງອົງການອາຫານໂລກ, ການແຈກຢາຍໂດຍຜ່ານການເກັບກຳຂໍ້ມູນປະຊາກອນທີ່ມີໜ້າຕົວຈິງໃນຄອບຄົວ ຊຶ່ງ 1 ຄົນ ຈະໄດ້ຮັບເຂົ້າ 7 ກິໂລກຼາມ.
ຂ່າວ: ອົງການກາແດງແຫ່ງຊາດລາວ